› 選擇地區
三藩市
紐約
洛杉磯
其他美國地區
香港 台灣 北美
 
2018年08月22日

KFC周四起全線停派膠飲筒杯蓋 外賣例外

KFC港澳全線分店周四起不會再主動向顧客派發膠飲筒和膠杯蓋,但指定特飲和外賣飲品除外,又在10間指定分店設置回收桶,收集用過的飲筒和杯蓋作藝術創作的材料。(左:KFC fb截圖)
建立時間 (HKT): 0822 20:02

曾經有環保團體計算過連鎖快餐店每日「派膠」數量驚人,單是一杯飲品已「生產」一個塑膠杯蓋和膠飲筒,相當不環保。快餐店肯德基(KFC)宣佈,由周四(23日)起香港和澳門全線分店將正式停用塑膠飲管和杯蓋,減少浪費。

KFC新聞稿稱,早前先後在9間分店實施店員不主動提供飲管及膠杯蓋計劃,獲得顧客正面回應,決定周四起將計劃擴展至所有分店,但表明指定特飲及外賣飲品除外。KFC周二(21日)在官方facebook發文,稱即日起會在10間指定分店擺放回收箱,收集顧客用過的飲管和杯蓋,清洗後會交由一名本地藝術家進行創作,推廣環保。

雖然不少網民留言支持減少「派膠」,但有人擔心若連外賣都一刀切不提供杯蓋將十分不便,亦有人認為除了飲筒和杯膠,KFC不少器皿同樣是塑膠,更會向顧客派發即棄膠手套,要求KFC應將停用計劃擴大至其他塑膠用品。

【網民咁講】
Cin Ckk KFC:可以將飯同薯蓉嘅膠蓋都加入計劃或考慮停用嗎?
Janet Kwong:其實以前堂食啲汽水係用洗得嘅膠杯裝住,依家可唔可以用返呢種方法,咁咪可以減少浪費!
Eddy Li:咁啲膠手套膠飯盒同蓋呢?膠蓋飲管間間都有,KFC嘅形象用得特別多膠,堂食都用好多即棄餐具。可唔可以停止「主動」畀膠手套?
Kaman Li:走杯蓋?外賣定堂食呀?
Yeon Ju Ng:請KFC勿聽樓上嘅留言走去做環保膠,否則罷買。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載