大媽彌敦道人肉擋九巴 搞到巴士大排長龍

更新時間 (HKT): 2018.02.01 21:00

【00:11更新】九巴發言人回應事件

彌敦道發生「大媽攔路」事件!事發於今日傍晚約6時,一部1A線的九巴由尖沙嘴總站駛出,當駛至彌敦道近油麻地永安的巴士站上落客後,剛駛離巴士站欲往太子方向行駛時,一名大媽突然跳出,並站在車頭擋路拒絕離去。據現場目擊者稱,該女子疑因未能上車,心急下發難攔在車頭不讓巴士離開,車長須報警求助。不少尾隨的巴士亦因而無法埋站,大排長龍,造成彌敦道一度擠塞。

「喂!行開啦!」「行開啦,咪阻住晒呀!」從目擊者陳小姐提供的片段可見,涉事的大媽年約50、60歲,戴眼鏡,穿上大衣及拿着手袋,站在九巴車頭前方,不斷與車長理論,其間不時有途人及車上乘客大叫「行開啦」,惟大媽卻拒絕離開,只逕自以不純正廣東話向車長喃喃地說,又指手劃腳。據陳小姐所知,「佢話架巴士開出後,就唔畀佢上車。」她認為該大媽做法不對,造成交通混亂:「上唔到咁等下一架囉,唔使擋住車頭唔畀人開車呀!」

而尾隨一部九巴亦因無法埋站被塞死,車長亦氣沖沖走上前與大媽理論:「人哋有規矩嘛,一離站就上唔到啦!」由於大媽堅持不肯走開,車長最後只好報警求助。

九巴發言人回應《蘋果》稱,晚上約6時30分,一部由尖沙嘴碼頭開出的1A線九巴駛至彌敦道近九龍中央郵政局時,一名女途人走出馬路,並站在巴士車頭前方阻礙巴士離開,事件擾攘數分鐘後,該名女途人自行返回行人路上,巴士其後繼續行車。

追實城中突發大小事,即 like 蘋果【現場】FB!
BannerBanner