【雙屍命案】女死者憔悴透露會搬屋 包租婆:佢瘦得好犀利

更新時間 (HKT): 2018.02.27 12:13

沙田安耀街母子在車內燒炭亡慘劇,45歲姓歐女事主偕過身丈夫及兒子一家三口,租住西沙路輋下村一間約700呎的村屋。據租屋給他們的包租婆簡太表示,最初是姓區女死者租住其村屋,及後與孔姓男友結婚、生子,一家三口住在輋下村已逾10年。對於區婦偕子同燒炭亡,簡太深表惋惜,「我今早睇新聞先知,唔知道佢(區)行咗呢條路,我好唔安樂,佢哋好好人,佢租過我舊屋,直到依家,相識10多年。」她指區為家庭主婦,多由她駕車送兒子到九龍塘上學。

簡太指凌晨時份,區的母親、阿姨及胞妹來過找事主不遂,之後才知她出事,簡太指輋下村的街坊連區婦丈夫過身的事也全不知情。「若果我知道,我會開解佢。」她憶述約25號當日,區婦到來交租,並告知她租到3月便會搬,當時區婦透露,因丈夫生意關係出入新加坡,可能會搬到新加坡居住,所以不再租屋。簡太對此未有為意,又讚一家三口是好租客,準時交租,今次亦沒有在其租住的村屋內燒炭,「佢真係好心!」

簡太現在回想起來才覺事有蹊蹺,「兩夫婦好恩愛,成日一家三口揸車出去玩,但有一排唔見佢丈夫,仲以為佢丈夫有外遇搬咗,呢排見區小姐成日戴口罩,初初話感冒,後嚟發覺佢瘦得好犀利,可能係憔悴,所以戴口罩遮掩倦容。過年前亦唔見佢曬衫、或打理花草,可能係因為佢根本冇心情。」

追實城中突發大小事,即 like 蘋果【現場】FB!
BannerBanner