【爆相爆片】薄扶林村抽濕機短路焚宅 鄰居:火勢好勁

更新時間 (HKT): 2018.04.25 17:06

根據陳生拍到嘅影片,見到當時起火嘅鐵皮村屋燒到濃煙衝天,隔鄰一棵靚靚嘅紅杜鵑都難逃一劫慘被殃及,旁邊嘅鐵皮屋原本關咗嘅窗亦都冒出煙。影片仲見到毗鄰村屋下層有村民喺屋內行嚟行去,懷疑係執緊野逃生。影片中又偶然傳嚟「啪啪」的響聲,可見火勢之烈。

陳生話起火間屋係兩婆孫住,火頭係屋外的花園仔裡面,聽聞好似話係部抽濕機短路起火,波及埋旁邊鄰居間屋,結果兩家人都痛失家園。陳先生覺得鄰居好慘,至於陳生自己嘅屋企,就再隔咗一間,僥倖冇被燒到,但其中一個房,都被消防救火時射嘅水整濕,咪話唔驚險。火警中,被燒嘅單位嘅女住戶擒日最終因為頭暈而送院,最後受影響兩戶被安排到附近社區中心暫住。

追實城中突發大小事,即 like 蘋果【現場】FB!
BannerBanner