【爆相爆片】兩警「蛇王」熟睡 目擊者:瞓到頭都斜晒

更新時間 (HKT): 2018.10.30 23:31

【23:30】新增警方回應

軍裝警員公然在警車上大覺瞓!!!讀者今早在葵涌麗瑤邨一個停車場落貨,見到兩名軍裝警員,在警方私家車上睡覺「熟睡嗰隻,頭都斜晒」。讀者批評兩名警員當值期間睡覺「太過份」。據了解,警方事後已經召兩警「照肺」嚴肅處理。

黃先生向《蘋果》稱,今日上午11時40分,他駕車到麗瑤邨東華三院高可寧紀念小學外一個停車場落貨,見到泊在角落位的一部警方私家車上,司機位及前座乘客位的兩名警員在熟睡。「佢哋係熟睡嗰隻,頭都斜晒。個乘客醒過吓,睜大眼睛,跟住又瞓過。」黃先生拍低相片,前後逗留5分鐘,兩名警員也沒有起來。「都幾過份,當值緊都瞓成咁,仲得了?!」黃稍後將相片上載到fb專頁。

現場是房屋署的範圍,停車場交由外判公司管理,車位都是以月票形式出租予居民使用。而警車停泊的車位,則是預留予小學使用。

據了解,兩名警員隸屬葵涌分區巡邏小隊,分區指揮官得悉事件後,已即時將他們召回警署作紀律調查。

警方回應指,已知悉有關事件,並正跟進調查。警方強調非常重視人員的紀律,定必嚴正處理。

根據香港法例第232章第45條《警察(紀律)規例》,當值時睡覺是違紀行為,屬輕微違紀行為類別,一般會對違紀者施加書面訓誡。

追實城中突發大小事,即 like 蘋果【現場】FB!
BannerBanner