【引渡惡法】夏慤道設首個物資站 熱心市民:幫得幾多得幾多

更新時間 (HKT): 2019.06.12 16:43

正當示威者在前線設路障、與警方對峙之際,有不少市民亦在後方默默付出自己的力量,希望做得幾多得幾多。任職食物批發、平時上夜班的Cheri向《蘋果》表示,她一收工便與一眾朋友來到金鐘,當時見到龍和道有4至5個物資站,然而夏慤道卻一個也沒有,便從龍和道的物資站取去一批物資,走來此處建立一個物資站,「我哋係自發,完全冇組織,我哋寫咗物資站(牌),就有好多市民攞(物資)過嚟」。

她說收集物資後便馬上整理,有多餘的便拿去其他物資站,到目前為止夏慤道已建立了6個物資站,「感動,好感動,正因為咁,我哋更加要分配好物資」。

「其實我哋冇諗咁多,做得幾多就幾多,而且我心態唔係衝嘅,係back up,希望幫到手出一分力」Cheri指目前物資暫時都足夠,惟獨缺乏急救物品,例如一些紗布、棉花以及消毒紙巾等。問到有沒有人令她印象最深刻,她哭笑不得地說:「有人攞咗好多姨媽巾(衞生巾)嚟,我唔知邊個喺網上呼籲,但我覺得真係唔需要,大家唔好再攞過嚟,因為我哋都收咗四、五袋」。

提及她對今次行動的訴求,Cheri指自己與大家想法一致,「唔使講啦,呢個政府無視所有人民,佢做嘅所有事,完全冇放我哋入眼內。一百萬人走上街,政權都係咁。」她表示以往亦曾參與佔中行動,當時她在旺角協助收集物資,「一個政權完全漠視所有市民訴求,呢個佔領行為一定會(再)發生,幾時而已」。她說未來沒考慮過留到何時,惟有做得多少便多少。

追實城中突發大小事,即 like 蘋果【現場】FB!
BannerBanner