【引渡惡法】港鐵車長車廂嗌咪: 代埋我去,香港人要加油! 

更新時間 (HKT): 2019.06.16 14:50

【14:45】網上流傳一段聲音檔,指有港鐵車長利用車廂廣播稱:「遊行麻煩代埋我去,要堅持到底,香港人要加油!」引來大批乘客歡呼拍掌;另外,有市民表示乘港鐵時,聽到港鐵女車長開咪叮囑:「大家萬事小心,加油!」

政府強推引渡惡法,激起社會各界強烈反彈,雖然特首決定暫緩修例,但民主派表明不會接受,認為惡法必須撤回。有港鐵職員致電《蘋果》,指出有不少同事都堅決反對修例,並希望為保衞香港出一分力,罷工是其中一種選項,但礙於職責所在及種種原因,大家均感到有心無力。

該名職員講出心聲,指「我哋作為交通運輸嘅一個極重要角色,即使見到有人冇埋條命,點傷痛,都一定要繼續返工,為嘅唔係單單自己前途,而係有幾個原因令我地不能,同時不應該咁做」。

「1.鐵路一受阻,道路交通一定冇可能承受到負荷,唔講警車,消防車同救護車假設真係要出動,市民點樣讓路都好,都肯定會極為受阻;

2.關乎車務運作,就係每條線都會有spare crew,即係假設有同事病假,都會由spare頂上,而且一日唔止得一個spare,只係返工時間唔同;另外,有個制度叫『賣血』,即係假設spare都頂唔晒咁多個duty,就會搵人OT,而且係搵嗰個禮拜有2日例假嘅同事,OT錢係『時薪』乘以『要頂嘅duty鐘數』再乘以『1.5』,換句話講,有人罷工都好,都肯定會有人頂上;

3.鐵路好影響道路交通,假設鐵路癱瘓,換嚟嘅只會係令到想參與集會遊行嘅人好難去到集會地點,所以其實早幾日嘅不合作運動係好無謂,支持嘅人亦唔多,同時反而會令市民大眾造成反感……最重要係,根本係冇實際意義。」

追實城中突發大小事,即 like 蘋果【現場】FB!
BannerBanner