【逆權運動】一句「維護緊不義政權」 中五生遭警員大陣仗包圍截查

更新時間 (HKT): 2019.07.13 22:55
警員盤問沈同學期間,一直用攝錄機拍攝。徐雲庭攝

「我只係講維護緊不義政權,唔明白點解會觸怒到你哋?」晚上9時45分,家住上水的中五沈同學,約了朋友在區內吃飯,當時他推着單車準備由龍運街橫過新運路,其間他向多名迎面走來的警員說:「如果政權係不義,你哋就維護緊一個不義嘅政權。」

他稱,當時警員大為激動,其中一人推撞胸口,並粗暴地將他推去行人路,他當場眼鏡飛脫,連人帶單車失平衡跌倒地上。其後多名手持盾牌的防暴警察更將他包圍,向他索取身份證查閱,又登記地址盤問。

其間,更有警員手持攝錄機拍攝,他向警員解釋:「我只係講如果政府不公義,你哋就維護緊一個不義嘅政權,唔明白點解會觸怒到你哋?」警員繼續向他查問數分鐘,才將他放行。

事件中,沈同學右膝擦傷,他接受訪問講述事發經過,他指不明白講句説話亦被當成罪犯,竟要警方錄影查證。他指自己下午沒有參予遊行,事發時只是路經示威地帶,所說亦是有感而發,覺得警方行為匪夷所思,「只係講一句嘢,又冇冒犯性、冇攻擊性,唔明會有咁大反應,完全唔明白」。

被問及會否就警方的粗暴行為作出投訴,他指「投訴可能只係針對個人,但成個制度係改變唔到,我覺得要針對個制度,而唔係個人」。

記者:徐雲庭 龔蕙芝