【逆權運動】刀手施襲前曾踩線 被斬青年頭縫7針親述經過

更新時間 (HKT): 2019.08.20 10:34

將軍澳連儂隧道斬人案,其中24歲男傷者阿華(假名)頭部縫7針,左耳和左手也擦傷,目前經已出院。他向《蘋果》親述遇襲經過。

阿華表示,凌晨時分落樓到連儂隧道和志同道合的街坊閒談。「我企隧道中間,唔係企兩個女仔隔離。聽到佢哋討論緊啲嘢,越來越大聲。」他行近查看時,該名男子已經拔刀斬人。他連忙推開其中一個女仔,結果自己也中招。

阿華記得該名男子在斬人前20分鐘曾經視察環境,「個男人之前已經行過嚟隧道一次,掃視過我哋一次,唔知係點相定點,好近望咗一望,令我好唔自在,但當時只係覺得唔同意見嘅人,無理。」

阿華的頭部近左耳中刀,縫7針,另外耳朵和左手也有刀傷,經敷治後出院。

另一名幫手抵擋逞兇者的青年「阿徐」稱,當時共4女3男在連儂隧道,「因為其中一人去完旅行,出嚟派手信,所以約喺呢度見面傾計」。昨晚11點見面,直到事發一刻,一名40至50歲的中年男人,穿藍色衫牛仔褲行過嚟,「問我哋對連儂牆睇法,開頭好和平,交流下,後嚟唔知講咩,佢突然大嗌話『我頂唔住喇』。」隨即在身上拔出利刀。

「阿徐」拿起現場一條梯擋架,連人帶梯撞低該男子,對方其後再取出另一把菜刀施襲,「阿徐」再拿單車還擊,對方才掉刀逃去。

追實城中突發大小事,即 like 蘋果【現場】FB!
BannerBanner