【逆權運動】連儂隧道斬人案 刀手換衫潛逃 屋苑天眼影到

更新時間 (HKT): 2019.08.20 11:17

【11:10】新增內容

將軍澳連儂隧道斬人案,一名手持利刀大漢掩至施襲,在場3男女走避不及中刀被斬傷。跑步經過現場並用手機拍攝到斬人過程的陳小姐表示,當時見到兩名女事主與刀手談話,兩人向刀手說:「你覺得有乜嘢問題?」刀手說:「唔係有乜嘢問題。」

她形容當時雙方冷靜,但突然間好大聲,於是轉身返回及取出手機準備拍攝,「一開機就出現斬人,刀手拔出一把約7吋長西瓜刀,插咗個女仔左肩一至兩吓,跟住被斬個女仔想返轉頭捉佢,而刀手就開始揸刀,片人同追人,追上前向人斬咗幾吓,黑色衫卡其色長裙女仔向我求救同要求協助報警,當時我身邊有兩個男仔,跟住個女仔暈咗」。

陳小姐又表示,刀手跑入頌明苑,於是尾隨保持一段約7至8米距離,在嘉明閣對開詢問街坊後,得知刀手已進入嘉明閣。

警員到場協助翻查閉路電視,發現刀手在21樓離開電梯,不久後換上一件紅色上衣及一條短褲,身上掛有一個斜孭袋,並穿同一對鞋,乘升降機離開大廈,其間協助搜索熱心市民在嘉明閣21樓垃圾桶內,發現刀手棄下的一套染血藍色上衣。

有大廈工作人員稱,刀手並不住嘉明閣,單位較早前出租予內地大學生,個多月前租客搬走,單位正裝修中,刀手經常偕家人到來跟進裝修事宜。據稱,刀手行為閃縮,「進入大廈時總會望下有冇人跟蹤」,不過從未聞他表達政見。

追實城中突發大小事,即 like 蘋果【現場】FB!
BannerBanner