【蘋果基金】愛妻號+孝順女支持 清潔女工無懼血癌

更新時間 (HKT): 2019.09.19 09:26

一直從事清潔工作的燕嬸,去年3月初,突然感到全身乏力且頭暈,經私家醫生轉介,即時入急症室;經一系列的檢查後,確診為急性白血病,即俗稱的血癌。燕嬸得悉病況後,情緒數度頹喪;在丈夫、三名女兒的不斷鼓勵及支持下,燕嬸終積極面對現實,誓要與癌魔搏鬥到底。經四個化療治療後,病情終穩定及出院。「幾個月之後,(去年)11月再去檢查,就發現翻發。」燕嬸今次面對不僅是癌魔,還要面對每月5萬多元的標靶藥費。

記者:林熊

現年67歲的燕嬸一直在屋苑做清潔工,工作時間由早上7時半至下午4時半,每天工作9小時;「最辛苦當然係夏天,四五月嗰陣,因為天氣好熱,工作量又大,戶外又要掃公園;所以最辛苦就係夏天嗰個時間,試過35度都要喺戶外工作;室內密封的地方也都試過在30幾度下工作。」從無想過退休的燕嬸:「自己郁得咪做囉,基層家庭,手停口停。」

燕嬸的丈夫原是倉務員,8年前因年紀大被迫退休;而三名女兒,大女、二女雖已出身,只是普通的寫字樓文員,各人月入只是一萬多元,向父母交幾千元家用後,所餘的也僅夠自己使用;孻女去年剛出身踏足社會,現於一連鎖快餐店兼職。「四個人份糧,夾夾埋埋3萬7千蚊。扣除租金,水電煤及各人返工的坐車食飯等日常開支後,所剩無幾。」

去年3月,燕嬸剛確診患白血病時,「醫生同我做咗傳統嘅化療,做咗四個月後,我係有好轉,但係出咗院之後,幾個月之後,(去年)11月度再去檢查,就發現翻發。」燕嬸透露,由於年紀及癌指數,未能符合政府有關骨髓移植治療的規定,若要做骨髓移植,「講緊嘅係數以百萬元計,嗰啲費用唔敢想像,唔係我呢啲人可以負擔。」

近日燕嬸因發燒要再度入院,70歲的丈夫每天在家中煲湯及煮飯送到醫院,有時燕嬸痛楚難以下嚥時,丈夫在旁一口一口地餵。「有時可能躺得耐,或者食藥副作用,啲肌肉及骨骼會痛楚,來到就幫佢按下,等佢鬆弛啲,舒服啲。」燕嬸丈夫表示,現時每天都是屋企同醫院之間,跑來跑去。

自從去年11月癌症復後,「醫生建議用自費嘅標靶藥,個費用就係一個月要幾萬蚊。」燕嬸表示,醫生所開的藥是以每周計算費用,「一個星期係13,190元,一個月就5萬幾蚊;我哋1月份開始,已經做咗(買)一次兩次,而家發現平時嘅開支都大,而家加埋呢個費用,對屋企嘅負擔好重,負擔唔到。」

追實城中突發大小事,即 like 蘋果【現場】FB!
BannerBanner