【蘋果基金】救貓天使不認輸 急需藥費抗癌魔

更新時間 (HKT): 2019.11.03 10:00

42歲的Ruby是個愛貓人,本身是補習教師的她工餘會去執貓、救貓,視救助毛孩是第二生命。可是兩年前證實患上子宮頸癌,生命從此改寫,她接受切除子宮手術及接受電療後一度康復,繼續救貓工作。可是今年初癌症復發,癌細胞擴散至頭、肩膊、腰椎及肝肺,病情嚴峻,體內最大的腫瘤更達8厘米長,醫生指已屬癌症第四期,而且因腫瘤太大不宜切除,需服自費標靶藥物控制病情,正籌措逾10萬元藥費。

記者:麥超億

「醫生話咁短時間由18年4月做完電療,到19年嘅3、4月,咁快未夠一年就再發現屬於翻發、復發,因為身體差咗,癌細胞又再自己copy返出嚟!」做了貓義工10年,亦擔任愛協的領養義工,救貓近千隻,現時重病在身,家中仍有12隻貓要照顧,探訪當日,備受癌病折磨的Ruby顯得十分虛弱,但對未來她仍是充滿希望。

除了救街貓,她亦負責把愛協救援或收到的初生貓B養大,談起餵奶B情況,她顯得十分雀躍。她說,會把貓B帶回家養大,自己有如保母,當貓B健康長大便交回愛協供市民領養,當中最辛苦是要照顧未開眼的初生貓B。「每兩小時起身一次餵一次奶,我餵親奶B就唔使瞓㗎喇,最高峰試過一次餵十隻奶B。」

她指患癌後已沒再餵奶B,因為身體已不能負苛,但沒有子女的她自言救貓責任重大,「我哋救咗佢返嚟,到照顧到佢依家可以食到嘢、飲到水,唔會好似之前咁食唔到嘢,飲唔到水,好辛苦,你見到佢肚餓,但因為痛食唔到嘢,其實會好唔開心嘅。」

10年來救貓無數,花費亦不少,「救嘅好多都有病,簡單嘅傷風感冒,都算輕便、用藥唔會太貴,曾遇過有喉嚨可能吞過化學藥物,引致成個喉嚨同食道潰瘍,又做唔到手術,但藥物好貴,因為藥物要由澳洲訂返嚟,仲要長期食,由成個喉嚨食唔到嘢,好似燒傷,好肉酸到佢慢慢康復到俾人領養。」

「又試過,有隻貓仔上顎缺陷,喉嚨有個好大嘅窿,好易食嘢吞落肺,所以一一路食嘢一路噴,隻貓B做手術嗰陣,醫生俾個quota(quotation)我,一開始已係10萬,但係分階段做,因為隻貓由BB一路長大,個口腔會變大,嗰時做修補工作要用自已嘅組織,所以使費好大!」

她視貓貓如子女,聽她說湊貓經,辛苦程度不比照顧嬰兒低,除了愛心,還是愛心。「我係餵住奶同小朋友補習,小朋友好體諒,佢哋亦知我做緊一件事幫緊弱小嘅動物,我覺得係一方面係身教,佢哋從我身上學識愛護動物,我覺得都係一件好事。」可是發病後,補習工作已暫停。她說最大得着是丈夫從前對貓沒有太大感覺,被她薰陶感染,現時亦喜歡了貓貓。

至於發病經過,她說2017年10月感到不適,發現身體異常出血求醫,經檢驗確診患上子宮頸癌,同年11月,她接受手術切除子宮,之後進行25次電療,病情一度受控並繼續覆診。

她指,丈夫堅持要她用藥,並曾向親友商借,亦有動物義工朋友主動捐助,令她十分感動,因此盼望可以盡快用藥控制癌病,重投積極人生。

追實城中突發大小事,即 like 蘋果【現場】FB!
BannerBanner