【石棺藏屍案】阿豪性格火爆 開party唔預佢即踩場爆樽發洩

更新時間 (HKT): 2019.12.13 16:02
有朋友爆料,第二被告劉錫豪性格火爆。

被指殺人後無動於衷、翌日更出發到新加坡參加跳舞比賽的24歲劉錫豪(阿豪),在庭上被阿T直指他以哥羅芳掩着死者口鼻。《蘋果》找到阿豪的朋友,他形容阿豪性格火爆,曾因首被告阿T沒邀他參加派對,而直衝上門打爆玻璃樽發洩。

阿豪熱愛跳舞,2011年當時年僅16歲的他,已參加亞視的《亞洲星光大道4跳舞吧!》比賽,並自我介紹稱,因母親是米高積遜粉絲,自小受到她熏陶,連自己也成為米高的「鐵粉」,小學已學其舞步,即使經常被同學取笑,但他仍堅持,並要證明跳舞並非只動手腳,而是要用腦。雖然他在該比賽中被淘汰,但未有放棄,不時到台灣、韓國參加比賽,亦是亞洲著名街舞Popping導師Louis Pong的徒弟,曾組跳舞組合「Thursday party」到大學表演等。

不過,其友人向記者透露,阿豪性格火爆,「試過阿T以為佢(阿豪)去咗外地跳舞,所以搞party冇叫佢去,結果阿豪得知後,怒氣沖沖去派對現場指罵阿T,並打爛玻璃樽發洩」。該友人更指阿豪經常飲醉酒,試過在酒吧打交鬧事,「如果阿T、阿豪同阿K之中,我相信提出殺死者嘅係阿豪囉」。

另一友人亦指,阿豪表面雖受阿T擺佈,但心裏其實非常不滿,「試過阿T叫佢買SD卡(記憶卡),佢表面應承,背後就不斷粗口鬧佢,不滿阿T叫佢做嘢」。

追實城中突發大小事,即 like 蘋果【現場】FB!
BannerBanner