【武漢肺炎】莎莎卓悅日本城共40萬個口罩供應 買罩人潮續排山倒海

更新時間 (HKT): 2020.02.01 17:02

在慢九拍政府毫無作為之下,港人一罩難求,全城瘋搶口罩,繼多間大型連鎖店連日開售口罩,化妝品連鎖店莎莎也加入同心抗疫行列,與卓悅及日本城一起向市民供應口罩,三間連鎖店今共提供近40萬個口罩。

在莎莎買到口罩的林先生展露歡顏,指出一家一家3口只剩下50多個口罩,對於內對疫情搞到港人要為口罩日撲夜撲,他認為一定要怪罪中共,「天滅共產黨,佢冇可能搞得掂,只係想搞死香港人,所有資料都係假,唔止一萬人感染,乘十都唔止呀」。林先生又對香港全面封關不存寄望,「777只係接收指令的一個物體,所以佢唔會封,因為共產黨唔畀」。

邱女士在莎莎分店排隊只花半小時便買到口罩,她指口罩短缺,曾見過有商舖賣289元一盒口罩,又指自己家中剩下一盒存貨,「要慳住使,少啲出街」。對於政府表示會為市民搜購口罩,穩定供應,邱女士表示不予寄望。

其中卓悅旺角彌敦道分店,上午11時左右已經有約2千人排隊,人龍圍繞旺角中心兜圈「打蛇餅」,甚為混亂。有主婦帶住兩名年幼子女到來排隊,但根本無法確定隊伍。這裏預計有980個籌,瞬間派籌完畢。

從事金融業的陳小姐坦言對政府安排非常失望,「我哋交咗稅,基本民生、保護自己嘅都做唔到,做父母係好無奈,好難接受政府咁樣安排,所有嘢比其他國家係滯後咗好多。FEEL(感覺)唔到政府嘅心係擺喺市民度。」陳小姐認為當務之急是封關,「我哋係應付唔到㗎,冇咁大個頭唔好戴咁大頂帽。我哋醫療係應付唔到無止境嘅人」。最後她告誡說:「世界係有報應,害人終害己,唔好以為高高在上會冇事。」

在銅鑼灣渣甸坊分店,同樣有逾千人排隊。人龍由渣甸坊左轉恩平道、邊寧頓街,再左轉返回渣甸街、渣甸坊卓越門口。75歲的楊婆婆早上7時半到。她說反話道:「多謝呀林鄭月娥呀!守關能力一流。多謝佢畀咗咁好的新年禮物我哋。」她指近日四圍撲口罩,「貴嘅無錢買、平嘅買唔到。(排隊咁耐)唔值得,都要用吖,真係唔出街呀?食西北風呀?發癲㗎佢都!」氣憤難平。

追實城中突發大小事,即 like 蘋果【現場】FB!
BannerBanner