【武漢肺炎】九龍灣逾8,000人通宵瞓街買口罩 市民鬧爆政府「離晒譜」

更新時間 (HKT): 2020.02.05 20:58

-----------------------------

自內地武漢肺炎爆發以來,截至昨晚8時,本港共有18宗確診新型冠狀病毒感染個案,其中一人死亡,但連日來政府卻未有任何措施協助市民取得防疫用品,市民不斷外出或上網訂購口罩,有黑心商戶「吊高嚟賣」,亦有商戶或團體以平價,甚至免費派發口罩。一間位於九龍灣臨興街的公司宣佈今明兩日將發售1.1萬盒口罩,合共55萬個,今日將率先出售6,000盒醫護用三層口罩,一盒50片,售價80元,每人限購2盒,早上11時會發3,000籌,但由於人數眾多,職員提早於9時許派籌。

《蘋果》到場觀察,排隊人龍高峯逾8,000人。由臨興街工廈起,人龍沿啟祥道、偉業街至常悅道交界,再沿宏開道排至臨興街、臨利街,再折返宏開道排至宏泰道與常悅道交界、伸延至宏照道、啟祥道同力工業中心A座,沿同一路線掉頭至常悅道,再至臨福街與宏泰道交界。由於人數眾多,部份人被逼出馬路排隊。

眾人都帶備禦寒衣物,有人免費派發暖包,亦有熱心市民向眾人免費派發杯麵及熱飲。至早上8時,該公司職員到場,勸喻遲來的市民不要再排隊,但部份遲來的市民不理會,人龍最高峰時排至臨豐街。

有排隊市民大罵政府「離晒譜」,「一早知唔夠口罩啦,我哋市民唔知啫,做官冇理由唔知,1月尾就應該有警覺性。人哋澳門做到,點解我哋做唔到?」有市民高喊五大訴求外,「第六大訴求係封關,第七大訴求:口罩!」市民指「如果呢幾日蔓延,仲大件事,到時派1千萬個口罩都搞唔掂,越早解決越好,未惡化時就要做!」直至早上9時許,有關公司派職員提早向排隊人士派籌,避免市民長時間等候。

昨日下午2時許與父親一同排隊的陳先生,排在隊頭附近,他表示家中尚有約100個口罩,足夠一個月使用,「啲專家講疫情最高峯係4月,100個根本唔夠,所以出嚟排。12月尾、1月初已經買定,以為夠,但結果都唔夠。」

對於政府的抗疫工作,陳先生感到不滿,「我要鬧張建宗,咩叫無打算派口罩,呢個咩政府嚟㗎,澳門同台灣都諗住分發畀市民,你條粉腸居然澄清話唔會派口罩!仲有封關又封到鬼五馬六,你有無聽過避孕套篤咗幾個窿可以避孕?無㗎嘛,梗係要封晒全部。」

排在隊中的曾太,昨晚9時許與女兒帶備棉被「打地鋪」,她表示家中已沒有口罩,「排咗幾日都排唔到,有去過其他地方排,都排唔到,政府一啲都幫唔到,幫到都唔使咁啦。」

排隊購得口罩的陳太表示,昨晚8時半已到來排隊,天寒地凍宿一宵,只嘆無口罩用,「屋企4個人,存貨唔多,只得10幾個口罩,頂到幾日,惟有排通宵,今次係排得最耐,買到兩盒,頂到兩、三個星期!坦白講,我仲會周圍撲(口罩)!」她又指政府應全面封關,否則「疫情有排唔散」,她批評政府防疫工作差,人心惶惶,超市又無米,又無麵賣,「好似打仗咁!」

其中一名市民買入口罩後感到不滿,並指她們從昨日晚上6時許開始排隊,「我哋排好前㗎,點解冇得揀(口罩)?」她們最終只能購買到「YESPACK」口罩,但拆開口罩包裝盒檢查口罩質量時,發現口罩非常透薄,甚至能透出光線。「佢一開始拆晒出嚟就係呢隻,冇得畀我哋揀(口款)。」雖然眾人忿忿不平,但均表示該口罩能「頂住先」,「唔戴口罩人哋都驚咗我哋啦!」

追實城中突發大小事,即 like 蘋果【現場】FB!
BannerBanner