【極危險】交通警護送旅巴去駿洋邨 扮雀仔甩軚舉雙手 隧道內切雙白線

更新時間 (HKT): 2020.03.05 21:41

【2020-03-06 21:05】警方fb發帖,指當時是後方有車輛企圖從其右邊駛近車隊,警員於是用右手打手號示意減速,同時中線的車輛亦加速駛近,警員於是再用左手打手號示意減速,其間雙手短暫離開軚盤。警方強調,駕駛電單車的警員擁有豐富駕駛經驗,當時作出專業判斷以防止其他車輛駛近車隊。

今日fb流傳一段標題為「I believe I can fly~」的短片,片中一名交通警駕駛鐵馬於昂船洲大橋往九龍方向行駛,其間突然舉起雙手揮動,做出「拍翼」的動作,大約兩秒後才放低雙手,若無其事繼續駕駛鐵馬。影片其後引起網民爭論,指該名交通警已「進入瘋狂狀態」,在公路上突然舉起雙手屬危險駕駛,隨時釀成意外,質疑他的駕駛執照是如何考回來,但有人認為交通警當時正在打手號,要求後方的車輛減速收慢,保持距離,笑言他「駛出真功夫」。

《蘋果》事後聯絡到上載片段至fb群組的片主Thomas,他指今午5時許從機場出沙田,其間駛至機場附近一個迴旋處時突然被交通警截停,「嗰陣應該係啲差人護送班武漢返嚟嘅港人去駿洋邨,前面就有3架旅遊巴,而個交通警就守喺車隊最尾」。他指交通警初時曾伸出右腳或右手,豈料駛至昂船洲大橋時一度舉起雙手揮動,令他震驚,「嗰刻見到真係呆咗,諗唔到會咁,真係太危險好恐怖」。

他續指,車隊駛入尖山隧道後,交通警竟在隧道內左右搖擺,甚至在雙白線上行駛或切雙白線,時間持續半分鐘左右,尾隨的白色私家車見到後亦減速慢駛,避免撞倒該名交通警。其後車隊駛至禾輋邨對出的大埔公路沙田段時,交通警再次切雙白線,甚至同一時間伸出右腳及左手,阻止後方的車輛靠及。

Thomas指事發時剛好太陽西斜,容易反光,可能令車主未能看到前方的電單車,「even佢著晒警號都好,著晒死火燈都好啦,真係好危險,平時護送隊閘車係成條馬路閘晒,全部閘車閘晒幾條lane,今次只係閘快線同中線,條慢線就由得啲車過」,認為警方應該以較大的車輛,例如穩形戰車、旅遊車或私家車守在車隊尾。

不過記者翻查資料,早前有專家表示,電單車的扭力大,速度快,只要反應慢一秒鐘便會釀成意外,呼籲駕駛人士應使用雙手緊握手柄,而且根據運輸署資料所示,駕駛人士發出手號時只能單手駕駛,十分危險,呼籲駕駛人士發出手號不應過久,有時甚至完全不應發出手號。

《蘋果》就事件向警方查詢,警方表示留意到網上流傳片段,現正了解事件。

追實城中突發大小事,即 like 蘋果【現場】FB!
BannerBanner