【武漢肺炎】主婦轉玩網上麻雀被騙按金 大量網民追數

更新時間 (HKT): 2020.04.16 06:02
主婦張女士直言因疫情而無法外出打牌,故改玩網上遊戲,豈料未打牌,先受騙。 資料圖片

市民因避疫禁足在家,沉悶下透過手機App與素未謀面的人賭博,除會違反《賭博條例》,更有機會因玩家走數、遭騙按金而得不償失。有曾付500元按金的主婦玩家,付費後不能參與牌局,才得知有人假扮主持索款,網上就不斷有帖文追擊騙徒,直指有主持收取逾千元按金後即告失蹤,玩家欲「究」無從。

記者:趙媛媛

「驚又係假,唔敢再入啦。」主婦張女士每周最少1次,會約朋友到酒樓打牌聯誼,惟4月開始麻雀館、酒樓因限聚令不再提供場地打牌,為過手癮,她經朋友介紹下,轉戰網上打牌賭博,最後卻未打牌,先受騙,遭自稱主持的騙徒騙去500元。

張在一周前從Facebook看到招攬雀友的帖文,聯絡帖主獲取聲稱為客戶服務的電話號碼,經客服解釋後,付按金500元,「佢話入咗500蚊之後呢,你入去(手機App)玩一鋪,覺得唔啱玩呢,你可以即刻走,攞返錢。」當時她認為可進可退,於是即付費,「過咗(數)之後咪再畀張(轉賬)圖佢,跟住佢話要等佢批,佢一路都好快覆我嘅,但係等佢批之後呢,就成個幾鐘都冇覆過我。」

「麻雀客服」突然失蹤,張女士深感不忿,自行在網上起底,才得知原來有人假冒客服,騙取多人金錢,「(真正)客服電話number,同Facebook嗰個人畀我嗰個係唔一樣。」張女士聯絡上真正的「麻雀客服」,對方卻回覆指無法提供協助,堅持須再付788元才能加入牌局,惟張女士已因受騙而不敢再付款。

對於會否擔心利用手機App聚賭而惹上官非,張直指認為不涉法例,「因為講明個程式係上咗架㗎嘛」。

從Facebook群組「娛樂麻雀區」,就可輕易發現大量「追數」帖文,由玩家走數到主持收取按金後失蹤都有,涉款由數十元至數千元不等。

另一玩家阿傑承認,早於疫情前,已參與用現金兌換分數的線上麻雀遊戲,不願多談是否曾被走數的他,直指賭注很小,「每次(輸贏)最多都係百零200蚊,唔係好多。」故不擔心會受騙。

記者其後致電其中一個手機App的客戶服務熱線,自稱為遊戲開發商的何先生,最初稱不清楚牌局事宜,「營運上嗰啲呢,我都唔係話真係好清楚,我有時開會聽佢哋講,我都唔係咁清楚嘅。」最後僅指如有人受騙,可與玩家一同報警。

追實城中突發大小事,即 like 蘋果【現場】FB!
BannerBanner