【電子貨幣漏洞】電子錢包用戶感驚訝 促營運商加強轉賬保安

更新時間 (HKT): 2020.05.15 06:01
PayMe用戶Katia表示,擔心應用程式存有安全問題,惟其他電子錢包未如PayMe般普及,甚或有更大的安全隱憂,「唔通你叫我用支付寶咩,咁咪仲唔安全」,故未能取代PayMe。 (周子惇攝)

用電子錢包去付款日漸普及,但轉賬安全問題一直令人關注,對於《蘋果》發現PayMe及支付寶付款超連結(如PayLink)原來可以被第三者「截糊」取款,不少市民都指不知情,對此感到憂慮,擔心電子錢包有安全問題。有市民指希望相關應用程式能盡快修復問題、加強保安,但亦認同市民自己使用電子錢包時亦應加倍留神,避免出現被偷取款項的情況。

PayMe用戶Katia向《蘋果》表示,從未聽聞過第三者可透過PayLink收取款項,「我真係唔知喎,通常都喺app到進行轉賬,好少會用link。」她坦言,擔心應用程式存有安全問題,惟其他電子錢包未如PayMe般普及,甚或有更大的安全隱憂,「唔通你叫我用支付寶咩,咁咪仲唔安全」,故未能取代PayMe。她表示,日後使用電子錢包時將會加倍留神,「如果有cash(現金)就會畀cash,但如果冇就盡量都喺個app入面完成(交易),應該會比較安全。」

學生鄭小姐同樣表示,以往使用PayMe時,未曾出現被第三者收取款項的情況,但也擔心PayMe存有安全問題,「不過我都係朋友之間(使用PayMe轉賬),咁我覺得互相識嘅都OK,唔識得嘅人就唔會考慮。」她補充,若轉賬金額大,則不會使用電子銀包,以策安全。

同為學生的陳小姐認同,使用電子銀包存有一定風險,「呢啲唔係揸上手嘅貨幣特別唔安全。」她認為,若第三者可透過PayLink收取款項,亦算是安全漏洞,「冇乜太大嘅保障,所以用返實實在在嗰種(現金交易)就會好啲囉。」

設計師Gary則表示,平日使用PayMe以朋友間小面額轉賬為多。他坦言,「本身對PayMe都冇乜好感,但朋友間多數食飯畀錢,難免都會用到。」他又指,曾聽聞過非收款人也能透過連結收取款項的情況,「都驚(安全問題)嘅,咁希望佢哋知道有呢個漏洞就盡快fix(修復)咗佢」,而用戶使用網上交易時亦應要留神。

追實城中突發大小事,即 like 蘋果【現場】FB!
BannerBanner