【端午直擊】街坊買糭後驚悉工場真面目「咁核突 會丟棄!」   

更新時間 (HKT): 2020.06.25 12:24

【21:21】放置在後樓梯的包糉工具及箱子已被清走。

良景邨有公屋住戶趁端陽,把公屋寓所後樓梯化身成包糭工場,《蘋果》昨日親到後梯直擊兩名婦人包糉過程,揭發衞生情況惡劣,當時包糉婦揚言會到附近街頭擺賣。今晨《蘋果》重返良景邨,後梯仍遺下大堆糉葉,並堆放包糉的工具及箱子。《蘋果》到良景輕鐵站果見包糭婦在擺設街檔,售賣鹹肉糭、綠豆和花生糭,糭就被放入發泡膠箱內,烈日當空的情況下「冇遮冇掩」,食物衞生程度成疑。

今早9時許,在良景輕鐵站旁有數個小販檔包括賣水果與糉,不少街坊前往查問和幫襯,一隻糭售十多元,《蘋果》觀察期間約有30多人光顧。由於食環署人員曾出現,小販均爭先恐後「走鬼」,其後轉往良景市集前繼續擺賣。

其中一名賣糭的女小販,便是昨日在後梯包糭的婦人,她與拍檔擺賣一個多小時,剩下約半箱糭,《蘋果》上前問她是否賣糉,她耍手擰頭說:「唔係呀,唔係呀!」記者着她回應被人投訴在後樓梯包糉,又用牙扯斷糭繩不合衞生,她之後便不再出聲,拒絕回應任何問題,稍後更推着載糉的車仔離開。

預算買糉後去行山的陳先生,便有幫襯該名女小販買了3隻糉,獲悉她在後梯包糉後,直言「唔係咁好,擔心有機會傳播病毒。應該唔會食啦,唔好講疫情先啦,又用口又赤腳,個後巷咁恐怖!」他本着支持街坊生意和本土經濟,過時過節才買糭,但目睹工廠環境後,他直言打好大折扣,「可能會丟棄,生命誠可貴,唔搏,見到咁嘅真相,會避忌,錢係事小,衞生事大,食咗要睇醫生就唔好!」

不願透露姓名的男街坊則表示,「冇辦法,都買咗兩隻啦」,又指可能好多工廠衞生程度都差不多,「睇唔到都一樣」,「我會煲耐啲,唔擔心」。而另一位女街坊則因小販「走鬼」買不成糉,當她看到工廠真面目時嚇一跳,「嘩!唔係呀!咁核突!如果咁樣就污糟,擔心呀!」慶幸自己最終沒有買。

追實城中突發大小事,即 like 蘋果【現場】FB!
BannerBanner