【威嚇未停過】顧客譴責暴力 以行動繼續支持龍門

更新時間 (HKT): 2020.07.06 11:47

尖沙嘴金馬倫道LUNG MUN(龍門冰室)的廚師,今早返回開工時遭歹徒伏擊,頭及手受傷送院。「龍門」接連遭破壞,今次暴力更告升級。有顧客認為血案與政治有關,予以嚴厲譴責,並聲言會繼續支持「龍門」。

今早「龍門」如常營業,早餐時段不乏捧場客。張先生認為事件與政治有關,「依家話退出(黃色經濟圈),人哋都認定咗你」,而對警方是否會執法拉人,不表樂觀,「大家都有目共睹,佢哋嘅偏頗、佢哋會唔會執法,大家都知」。他強調會繼續支持,定期到來幫襯,留意「龍門」的發展。

不過他坦言替員工擔心,「佢哋(員工)在明,人哋(歹徒)在暗,發生咩事都唔知」。他譴責暴力,「(國安法)立唔立法無咩分別,社會嘅公義係咪得到彰顯?其實都係冇。警察嘅偏頗、點樣做事,立法前後都係咁樣做。」

另一位顧客陳先生說:「我覺得絕對唔妥當...(涉及政治因素?)絕對有可能。」但不會向惡勢力低頭,會繼續支持到來光顧。

而Jacky(化名)在事件發生後特地前來支持Lung Mun Cafe, 他覺得是次襲擊離不開政治原因,「張生退唔退出(黃色經濟圈)都唔關事,因為佢之前喺反修例事件上姿態相當高,為人熟悉,係黃色經濟圈佼佼者」,被問到會否擔心食客都會受波及,Jacky則表示不會擔心。

追實城中突發大小事,即 like 蘋果【現場】FB!
BannerBanner