【泰國爛尾樓】海外買樓風險大 市民直言「睇唔到實物唔穩陣」

更新時間 (HKT): 2020.07.11 06:01
鄧小姐對「爛尾樓」略有聽聞,更指海外投資難以監測工程進度,寧願買股票投資,風險相對較低。

為增加收入,不少港人選擇投資,除了股票、基金等投資方法,近年亦興起了投資海外物業,先付款購置物業,待樓宇建築完成後,即可放租以賺取租金。由於可投資的海外樓盤選擇眾多,由東南亞國家,如泰國、馬來西亞,以至歐洲,如英國等國家均可供投資者選擇,加上海外樓盤價格遠低於在港置業的開支,即使沒有打算移民,也有不少港人願意投資外國樓盤。惟近日屢有外國樓盤出現「爛尾」情況,令投資者血本無歸,不少市民在得知有「爛尾樓」出現,均表示不會冒險投資外國樓。

從事銀行業的鄧小姐對「爛尾樓」略有聽聞,自己或身邊的朋友均沒有投資海外物業,「我覺得風險太大,基本上你唔係親身去嗰邊、或者識人都唔會去做呢樣嘢」,與其去投資難以監測工程進度的外國物業,她寧願買股票投資。「好靠你自己有冇睇其楚啲嘢,同埋你簽晒合約,政府點監管都好,都冇乜用」,她坦言,要靠政府去監管這些本地中介公司以保障投資者難乎其難,「唔旨意(政府)會做到啲咩」,故不會考慮投資外國樓。

從事航空業的陳先生表示對海外買樓盤作投資不感興趣,原因之一是因為沒法親眼看到實物會較「唔穩陣」。他亦提及在沒有港版國安法前的投資者,進行海外買賣單純是為了投機,但就現時社會狀況而言,他則認為大多數的投資者買外國樓盤是作為自用,「啲人寧願係自己去買for將來住或者移民」。對於海外投資出現「爛尾樓」的情況,他表示不要盲目相信代理的言語,投資者亦需多做資料搜集,「你純粹喺香港睇,個agent講乜你就畀錢,但係原來嗰度(外國)實際環境係乜你都未知」。

另一位麥先生指出,現時有進行一些投資買賣,亦從其他途徑得知泰國有「爛尾樓」的情況出現,但表示暫時對此投資項目不感興趣,「因為我始終會睇實景,或者真係要睇清楚先會考慮,如果真係要買就會過去睇一睇先」。對於政府現時不太理會海外投資事宜,他則表示「沒辦法」,投資者自己選擇的,亦指出在投資時要多加小心。

追實城中突發大小事,即 like 蘋果【現場】FB!
BannerBanner