中秋夜的士司機入萬宜西壩 乘客勒頸劫財連車揸走

更新時間 (HKT): 2020.10.01 23:11

今日是中秋夜,不少市民外出賞月,令不法之徒有機可乘。一名姓郭73歲市區的士司機,報稱晚上8時許在大角嘴詩歌舞街,接載一名中年黑衣男乘客,報稱前往近萬宜水庫西壩的創興水上活動中心。

然而當的士到埗後,乘客突然發難,用懷疑電話叉電線從後勒頸,更對司機說「我求財唔係求氣,你最好唔好郁手,唔好還拖。」司機試圖反抗但不敵,嘴及手肘受輕傷。最後被男乘客劫走兩部共值6千1百元的手機、1,250元現金及銀包等財物,賊人搶走的士,駕車逃之夭夭。

荒山野嶺下,司機只能沿路行出市區,其後見同行駛入,隨即上前求助。警方晚上9時許接報後,安排救護車到場,送司機至將軍澳醫院治理。目前案件仍在調查中,暫時未有人被捕。

遇劫姓郭司機在醫院向記者表示,任職的士司機約45年,車是租來的,昨晚在大角嘴道近福全街接載一名約40至50歲男子,去西貢萬宜水庫創興水上活動中心,「當時諗佢(賊人)一個人以為會無事啦,咁知去到創興時佢(賊人)開始做嘢喇,從後用條繩箍住我條頸,令我抖唔到氣」,「個賊話,個袋入面有刀,我求財唔係求氣,你唔好還拖,俾我慢慢嚟攞嘢(意指財物),之後會卑番架車你」,「點知佢(賊人)攞咗財物後,連架車都揸走埋」。遇劫後步行到水壩,稍後遇到行山客代為報警。

-----------------------------

你敢爆,我敢獎! 立即WhatsApp 《蘋果》24小時爆相爆片熱線 或致電:63836568

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner