疫境求存自救|XL碼女模請失業車衣工 復興本土自家品牌

更新時間 (HKT): 2020.11.06 06:00

「好似坐過山車咁,起得咁快又跌得咁快!」90後大碼模特兒Gloria兩年前開設女裝店,主打大碼時裝。肥妹仔打拼之路吸引不少注目,起初生意火速增長。開業短短10個月,舖面已經擴充10倍,由120呎搬至1,200呎大舖。可惜風光不足一年,便遇上社會運動,接下來更遭武肺巨浪吞噬,令營業額大減6成,「限食飯到6點嗰排都影響得幾緊要,直頭每日一單都冇」。公司被迫由高峯期14名員工縮減至2人,而剛誕B的她亦只好「頂硬上」邊餵奶邊工作。

因各地封關,她不能親身到越南及泰國的生產工場「試辦」,被迫放棄海外生產線,供應鏈一度中斷,「做大碼衫唔容易,唔係將件衫放大就係一件大碼衫,細節都係要你一手一腳監察先會做到最完美尺寸,飛唔到就睇唔到」。為了維持店舖運作,Gloria決定放膽一試,登報聘請上一代製衣業遺珠,並借用朋友200呎小工場自組本地生產線。所謂「生產線」不過是由一名年過7旬的紙樣師傅及3名車衣女工組成,她笑言:「感覺有啲似復興香港工業,不過係迷你版。」

Gloria完成設計圖後,便由師傅人手畫紙樣及剪布,再交由車衣女工縫製。其中一名年屆60歲的女工玲姐,亦因前僱主公司陷財困而失業,幸而遇上Gloria重拾就業機會,大為感動。而專畫紙樣的鍾師傅加入後,亦因為能再次一展所長,對工作越做越起勁。

「雖然產量唔多,但佢哋真係好用心做每一件衫,每個部份都係人手裁出嚟,每件衫都係佢哋心機。」Gloria心知生產效率不高,但第一次看見成品時內心非常激動,「成日聽老一輩講以前製衣業好掂,但冇諗過喺香港真係做得返呢樣嘢,如果第日我發達,都好希望復興香港製衣業」。然而,「香港製造」亦令成本高出兩倍,她坦言,雖然暫時成功止蝕,但自己還未有糧出,「我剩係想夠錢交租夠錢出糧,我唔想呢度捱唔住。肥妹喺香港可以買到又平又靚嘅大碼衫好少選擇,好想繼續有個地方gather肥妹仔。」

身為受惠於「保就業」計劃的老闆,Gloria認為5位數的補貼金額中斷,不會直接令其店舖倒閉,反而擔心所帶來的「裁員潮」會進一步打擊經濟,減低市民購物意欲。為吸引顧客,她不但頻開直播做推銷,更推出「即買即日送上門」的限時優惠,請丈夫幫忙四處送貨。未來亦打算推出團購計劃刺激銷量。另一方面,她亦頻接兼職大碼試衫模特兒的工作,努力開源。

雖然香港經濟前景不甚樂觀,但她深信,港人只要勇往直前,肯捱一定有出路:「唔好諗咁多,做得咩就做,見步行步,你永遠唔知嚟緊會面對咩情況。」

-----------------------------

你敢爆,我敢獎! 立即WhatsApp 《蘋果》24小時爆相爆片熱線 或致電:63836568

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner