武漢肺炎|未能出示檢測結果短訊 居民被迫請假停工滿肚怒火 「成件事係你唔封關,就封我住嗰幢樓」

更新時間 (HKT): 2020.12.24 14:01

沙田乙明邨明恩樓有多宗確診個案,衞生署不排除有超級傳播者或環境污染,上周當局要求居民進行深喉唾液測試樣本,有居民交了樣本近10日,一直沒有收到結果短訊,以為無事,豈料今日政府宣佈,該幢大廈居民須出示上周四(17日)至本周一內,曾參與政府安排檢測的結果電話短訊通知或相關證明,否則擅離大廈即屬違法,可罰款五千元。由於宣佈突然兼倉卒,居民措手不及,有趕返工的居民對封樓一事懵然不知,未能出示短訊結果,不獲准離開,以致被迫請假停工,不少居民為了取得檢測結果返工及出入大廈,惟有臨急臨忙到附近球場的檢測站再做鼻咽拭子檢測,居民鬧爆政府安排混亂,「攔住唔畀我返工,成件事係你唔封關,就封我住嗰層(幢)樓!」

陳小姐今早7時許出門口返工,就被樓下的職員攔阻,「首先我覺得成件事極混亂,從沒提及要封樓要檢驗,又要出示17日至21日的檢測結果,我個人也覺得擔心,上周14日放工回來見到第五宗確診,有三個家庭感染,我也會擔心, 我也要上班,於是我自己去私家醫院檢驗,15日凌晨已出結果,我安心去上班。」

其後當局15日及16日派樣本樽,着居民留深喉唾液作化驗,她見自己做了檢驗,所以沒有做衞生署的檢測,但家人就取了樣本樽做深喉唾液檢測,但至今仍未收到任何短訊。陳小姐本身已有檢測結果,覺得自己沒有事,這幾天可以自由出入,但今日她返工時突然被攔阻,說要出示17日至21日的檢測結果,但她是14日做檢測的,因此不符合當局的要求。「佢哋唔畀我出入, 當我未曾做檢測,要我排隊化驗, 唔畀我走,因為要等化驗結果。成件事係你唔封關,就封咗我住層樓!其實一直有確診個案,我不會四圍去,我上班也會接觸到其他人,其他人都會傳染畀我,我住呢幢樓現在就算清零,我外出時都會被傳染,返嚟都一樣有問題,意義究竟喺邊,完全唔明呢個做法!」

居民黎女士亦再到臨時檢測站進行鼻咽拭子測試,她說昨日(23日)已看見設置檢測站,曾查詢但無人回應,今日早上5時55分發出新聞稿,要所有居民檢測,於是下來查問清楚,當時職員沒說甚麼, 只叫居民排隊,9時許開始排隊,其間突然說其中一條隊伍是急切性強制檢測,但明恩樓居民本來就是強制性檢測,「大家都係強制性啦,原來其中一條隊,係未曾檢測過先排,排一條較短的隊,如果曾檢測過則排另一條隊。我一直做都係深喉唾液檢測,第一批做,第一日就做,至今冇未收到短訊,職員話說收不到是正常的,係好事,但到我哋出入時,卻要我哋提供短訊,證明曾做檢測,我覺得政府係思覺失調,究竟我應唔應該收到短訊呢?所以我下來再做檢測,但冇人告訴我哋有兩條隊,我想問呢個情況下市民如何是好?應否外出, 還是怎樣呢?」

她說今早來到時,職員甚麼也沒透露,「咁多人完全不知道咩事,究竟是再度爆疫, 還是擴散?完全沒有透露,問先有人答,答覆係因為很多人沒有做(檢測),所以未做的要馬上做,咁應該早啲講,毋須咁多人來做「大龍鳳」,造成全幢人有問題的錯覺。我去街市,話畀人聽我住明恩樓,對方會點樣看待我呢?應該清楚交代一件事, 而並非做騷,話畀我哋知這幢樓有問題,浪費咁多人力物力,政府是否浪費金錢?」

黎女士坦言政府不會預先告訴市民,原來有人做過甚麼,即使區議員問到,民政事務署也不會回答,「我唔知道發生咩事,唯一辦法係盡我哋香港市民的公民責任,但政府卻冇對我哋做過甚麼,當日來收取樣本樽時,只叫我哋放在垃圾桶內,詁已收樽,但我至今仍未收到短訊,我唔清楚我是否應該收到,但我哋外出時卻要我哋展示短訊,我都唔知道邊樣先係正確。如果政府覺得有些人沒做檢測,要來捉呢啲人,你早啲講,不應咁大陣仗,搵咁多保護香港嘅人嚟保護我哋,係咪我哋呢度有人犯罪,或明知自己係帶菌者卻留喺屋苑,所以出動咁多人嚟捉人呢?」

被問到會否覺得政策太趕急,黎女士坦言「這不是趕急,而是說了當做了,來到說要做就做,連區議員也不知道,普通市民怎會知道呢,如果真的緊急,當日(爆疫)政府應派人來勸喻市民做檢測,但沒有人勸喻,總之新聞有報道,叫放低樣本樽,你們就做吧,派樣本樽又並非政府人員,而是大廈管理員,我也不清楚何謂緊急,剛才排隊,話未曾檢測的屬緊急,但當日就應該做,既然如此緊急,不是今日才做,帶菌者自己也不想,你當日要做,應該馬上做,至少其他人會知道,現在已擴散, 政府慢三拍,所有事就慢三拍,現在不止慢三拍,係慢六拍,再做已經不知道是多少拍!」

梁先生就說上周二(15日)已取深喉唾液檢測樣本樽,17日已交樽,「依家24號,都收唔到訊息,應該要有訊息嘛,今早我媽媽落嚟做運動就話見到好多警察封住唔畀人出入,我落嚟諗住返工,依家唔畀返,唯有休息,安排好混亂,又冇收到檢測結果短訊,依家係登記咗身份證先畀出嚟,仲叫我哋嚟排隊再做檢測,話48小時內有結果。」

-----------------------------

你敢爆,我敢獎! 立即WhatsApp 《蘋果》24小時爆相爆片熱線 或致電:63836568

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner