武漢肺炎|黃店「北豆」無力負擔租金 fb出post告急:傾唔成續約將於月底結業

更新時間 (HKT): 2021.01.17 22:33

武漢肺炎第四波疫情未見放緩,政府早前推出傍晚6時後禁堂食,令不少餐廳食肆均叫苦連天,財政司司長陳茂波今日更於網誌表示,即將公布的最新失業率,將升破近期的16年高位。位於北角錦屏街的黃店北豆在fb專頁「告急」,指禁堂食措施生效至今一直苦撐,但今個月的租金已無能力負擔,若周三(20日)未能與業主續約,將於月底結業。

The Beans北豆上周五在fb專頁出post,指由前年6月至今一直得到大家的支持,齊上齊落,甚至在疫情期間,全港食肆晚市禁堂食,仍有一班同路人及街坊到場買外賣回家,身體力行支持他們,「經歷咗正苦(政府)嘅禁堂食洗禮咁耐,香港人都捱得好辛苦。我以為我哋自己可以撐得住,但奈何我哋連今個月嘅租都無能力負擔,琴日收到一個通知,如果20號前我哋仲未傾得成續約,北豆將會喺1月31日結業…剩下嘅15日,請原諒我作最後一次告急,希望大家能祝福我可以傾得成續約可以2月1號後仲喺北豆見到大家」。帖文出街後,得到逾千個「Care」表情符號及900多個Like,又引來過千名網民留言支持。

負責人蔡小姐表示,自從政府禁堂食後,生意銳減,損失高達6位數字,雖有申請政府的補貼,但幫助不大,「我哋做串燒嘅,禁堂食真係無乜人嚟買…其實都只係頂住,開返堂食嗰段時間搵到嘅錢,cover返無堂食嘅日子,根本係不斷循環」。她指疫情原因,加上有業主逆市加租,身邊朋友所經營的食肆已經捱不下去,無奈結業,而她今個月的租金亦無力負擔,正與業主商洽續租細節或在同區物色其他舖位繼續營業,「我寧願靠自己,都唔打算靠你(政府)啦,但你下下禁堂食,大佬真係唔得掂,其實我覺得你(政府)唔禁堂食已經還神,好開心喇」。

街坊梁先生指北豆是區內一間充滿人情味的隱世小店,疫情前經常見到不同的食客食串燒飲啤酒,而員工亦像自己的朋友,對於北豆可能面臨結業大感可惜,「一講起有串燒有啤酒,又有人情風味,我淨係諗起呢一間,係最好㗎喇」。他坦言不明白政府的禁堂食令對疫情有何幫助,「我唔明白6點之後禁堂食,同6點前嘅疫情有咩分別?對於食店淨係派過一次資助基金,等外賣嘅人多又會觸犯限聚令,政府嘅態度令我覺得,make咁多rules,大家都可以跟住啲規舉嚟行會好啲,但就不知不覺間影響咗升斗市民嘅就業」。

市民陳先生指在香港愈來愈少有立場的店舖,聲稱北豆若搬到其他地方,他仍會繼續支持,「支持返小店,始終經營都好困難,幫到一分得一分,珍惜一啲自己認為啱嘅嘢啦」。他覺得政府可以做得更好,例如堵截源頭,「咁就唔使限制市民咁多日常生活囉,呢一樣亦係導致經濟下行嘅原因」。

網民留言

Moon Moon Tsang:相信黃色圈,希望您地撐得到啦

Helen Mung:Omg 喺你哋度充滿回憶!由拍拖到結婚再生仔,我仲諗住坐完月同老公落嚟chill

Tsz Ching Lee:支持 希望續到約

Ruby Cheng:撐你哋~過幾日嚟買外賣

Dordor Gum:唔緊要或者休息一下再重新出發!

-----------------------------

你敢爆,我敢獎! 立即WhatsApp 《蘋果》24小時爆相爆片熱線 或致電:63836568

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner