武漢肺炎|限聚令架頸食肆放血 小店悲觀:計唔掂數就直接執笠

更新時間 (HKT): 2021.01.18 16:20
「北豆」所在的北角錦屏街,街坊都知道是區內的「黃街」。

有黃店負責人講述限聚令下經營食肆的苦況,指出晚市才是食肆的主要收入來源,佔總收入7成,因為晚市人均消費較高,午市則只有上班族在閒日幫襯,生意只做到一至兩個小時,所以下午二時至六時,食肆基本上都等如沒有收入,部份日式餐廳更會暫停營業。他指出,如「北豆」基本上靠賺酒水及夜市,現在禁夜市,很多餐廳難以維持生計。

「北豆」所在的北角錦屏街,街坊都知道是區內的「黃街」,據悉「黃街」內的知名藍店食肆,經已率先執笠,亦是街內第一間在疫情下執笠的食肆。由於街內大部份食肆都是黃店,大家都會互相幫忙,「我哋呢條街基本上大部份都係黃店,呢條黃街嚟,啲客都知,特登嚟黃街食,呢間冇咪食第二間囉,入得嚟條街大家都係同路人,會推介隔離左右」。

不過,疫情反覆,加上無了期的限聚令,每間黃店都有各自的經營困難,該名黃店負責人直言:「政府資助越來越少,叫做有好過冇,香港寸金尺土,租金貴,限聚令無了期,確診數字大起大跌,看不到營運餐廳的前景,計唔掂數就要直接執笠,反正開出嚟都冇生意,仲要畀租金同人工,以一間小店計,基本上都要聘請6-7名員工。」

他指出,「我哋都係小店,30個座位(限聚令下)先可以坐得一半客,做一轉十幾個客先得600蚊,畀你叻啲做三轉都係先得兩千蚊,所以好難維持租金人工,家陣淨返一半生意都好叻仔」,「小店執咗開唔返,我哋成副身家攞出嚟,得一次機會,冇路行架」。

雖然經營困苦、前景暗淡,該名黃店負責人仍堅持不減員工、不放無薪假,「知道每個人都有家庭,冇辦法,惟有望限聚令取消後復蘇返」。

-----------------------------

你敢爆,我敢獎! 立即WhatsApp 《蘋果》24小時爆相爆片熱線 或致電:63836568

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner