奪命新娘潭路|七仙羽:咁多山唔去 偏偏嚟呢度玩

更新時間 (HKT): 2021.02.08 06:00
七仙羽師傅在新娘潭路曾發生交通意外的地點進行超渡。麥超億攝

大埔新娘潭及新娘潭路,歷來發生過多宗致命意外,坊間普遍認為這個地方很「邪」,亦衍生很多駭人聽聞的傳說及鬼故事,成為探靈熱點之一。有人認為意外發生只是巧合、亦有人認為這裏陰氣重,說是冤魂索命云云,《蘋果》邀得人氣風水師七仙羽師傅到訪新娘潭,七師傅邊行邊轉動佛珠,並語重心長地說﹕「你明知呢度咁凶險,咁就唔好成日嚟呢度,咁多山唔去,偏偏嚟呢度玩?」

黃昏時分,天色昏暗,記者與七師傅終於到達新娘潭自然教育徑入口,一股寒意直上心頭,感到心寒除了天氣原因,亦與周圍環境有關。因沿路走來,不時發現整條新娘潭路的馬路旁,都有一些因猛力撞擊而飛脫的汽車零件,更甚者就是有很多溪錢、陰司紙及香燭散落在路邊,七師傅表示,東北是鬼門關位,而新娘潭正正位處東北,而且近山近水,亦是聚集靈體眾生之地,「太多呢啲磁場圍住,會唔舒服,想嘔頭好重,佢哋都係好奇想知你搞咩。」

一行5人的攝製隊終於到達新娘潭其中一個潭水最深地方,突然攝影師表示隱約聽到有「鈴鈴喳喳」金屬物件發出之聲,但其他人耍手擰頭,七師傅不停四周打量,多次提醒大家要非常小心,稱「感覺到好多企喺兩邊周圍望,頭先水嗰度、坐喺度望」,不過七師傅勇者無懼,更即時分享過去到此探靈的一次恐怖經歷,「我之前喺度拍探靈節目,當時佢(探靈人士)話見到女嘅頭就扯佢落去,當時扯佢落去後佢都昏迷要即刻call白車去急救。」

在新娘潭拍攝期間,有兩組攝影器材竟無故出現故障,攝影師需重新開機,其後與七仙羽師傅轉移陣地,去到新娘潭路其中一個曾發生交通意外的現場,正當與師傅討論此路段過去廿年曾超過20人因交通意外而身亡,此時一架跑車高速在身旁擦身而過,七師傅即表示,「因為呢度啲磁場,令啲人個思維變咗,佢一嚟呢到就自然踩油,亦容易出現負面思想及感情」,其後七師傅在路邊唸經燒衣紙,稱以「香貢」來迴向眾生。

-----------------------------

你敢爆,我敢獎! 立即Signal 63836568、WhatsApp 《蘋果》24小時爆相爆片熱線

或致電:63836568

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner