大肚婆被捕|早產婦年初一帶利是探子: 快啲返屋企 長大後做個善良嘅人

更新時間 (HKT): 2021.02.12 18:17

懷孕7個多月的孕婦劉女士疑受警暴對待致早產誕子,男嬰因早產致發育不健全,現時要靠氧氣箱呼吸,插餵食管吸收營養,媽媽看在眼內無比心痛;今日大年初一,親友紛紛送上利是給BB,劉女士爭取隔日到醫院探望的30分鐘時光,將利是放在氧氣箱旁邊,「話畀佢聽好多人關心佢,等佢快啲好番返屋企」。

「年初一好心急嚟睇佢,做一個媽咪,唔抱得,嚟見吓都好滿足。如果唔係啲警察累到我咁樣,我BB而家仲喺我個肚度瞓緊覺,等佢足月就唔會咁慘,受咁多罪,雙手同腳全部都係針印」。提到早產兒現時的情況,劉女士眉頭深鎖,兒子現時靠氧氣呼吸,每次餵奶僅20毫升,分20餐餵食,體重雖比日前的1.63公斤重了些許,今日有1.69公斤,但情況仍然反覆。

劉女士坦言擔心兒子隨時嘔奶,稍有不慎就有窒息危險,「希望佢健健康康,快高長大,快啲返屋企,長大後做個善良嘅人,唔好好似而家媽咪咁俾人咁對待,仲要話最低武力」。談到受警員的對待,劉女士氣憤難平,「我而家隻腳成日抽筋,今時今日仲痛緊」,她形容「做錯嗰啲人一個都冇嚟關心過我,一哥咁樣講法,我受好大刺激,一定要還我一個清白」。她慶幸身邊尚有人支持及協助,同時感激醫護盡心照顧兒子。對於新年願景,劉女士說:「幾辛苦我都行落去,為咗我自己為咗我個B,一定行落去」。

今年1月20日,懷孕7個多月的劉女士稱在土瓜灣被警方無理截查,其間遭辱罵「死肥婆」,被反鎖拖行,更以阻差辦公罪名拘捕,三日後她大量出血早產。前日(10日)她到灣仔警察總部正式就被警暴對待一事作出投訴,包括警員態度惡劣、濫用職權、疏忽職守及行為不當,要求警方還原真相,還自己公道。她對警務署署長鄧炳強早前回應事件時,否認涉事警務人員犯錯及使用不必要武力,不滿鄧的言論形同「未審先判」,更質疑鄧稱上月底已接獲相關投訴有「作古仔」之嫌。

-----------------------------

你敢爆,我敢獎! 立即Signal 63836568、WhatsApp 《蘋果》24小時爆相爆片熱線

或致電:63836568

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner