初選大搜捕@油麻地|岑子杰黃碧雲被落案起訴 入警署前相擁泯恩仇

更新時間 (HKT): 2021.02.28 16:34

警方於上月初清晨大搜捕民主派人士,昨日更突然通知多名被捕人,要求他們將原定於4月的續保報到,提前到今日(28日),他們極有可能會被即時落案起訴及還柙。參加民主派初選九龍西參選人黃碧雲及岑子杰,下午1時半左右到達油麻地警署,社民連常務委員陳皓桓等人到場聲援,他們拉起「國安法無法無天 釋放所有政治犯」橫額,旁邊其他聲援人士舉起「政治檢控可恥 無懼白色恐怖」等標語。警員在場開咪警告在場人士有可能違反限聚令。現場消息指,岑子杰進入警署不久,被指涉嫌「串謀顛覆國家政權罪」落案起訴,明早在西九龍裁判法院提堂。

直播重溫|果燃台直播Youtube直播

至下午3時警方表示,今日下午以「串謀顛覆國家政權罪」,起訴大搜捕其中47名被捕人士,包括39男8女,年齡介乎23至64歲,包括正分別還押及在囚的譚得志和黃之鋒;另外8人據悉暫未被起訴准續保,包括關尚義、涂謹申、鄺俊宇、劉凱文、袁偉傑、李國麟、李芝融以及安德里。所有被起訴人士會被通宵扣留,並於明日(3月1日)上午11時後於西九龍裁判法院提堂。

進入警署之前,黃碧雲及岑子杰先後發表感言泯恩仇,黃碧雲認為,當局利用國安法拘捕參加民主派初選所有候選人,「非常荒謬嘅決定,亦係濫用國安法打壓異見嘅卑鄙行為」,強調參選立法會是香港公民的合法權利,而參加初選只是民主派內部按民意做出協調,「按民意都有罪?」

她坦言帶着平常心到油麻地警署,縱然結果未卜,多謝外界關心問候,「無論發生乜嘢事情,希望大家秉持信望愛面對未來風雨。」

岑子杰亦謂,「曾經喺香港,我哋係知道點樣守法,知道乜嘢係犯法,但係去到今日嘅香港,似乎去到伴君如伴虎嘅狀態,君要臣死,臣不得不死 」。他提到,香港的民主運動上「我哋有好多嘅猜疑、不信任,社民連係其中一個成日狙擊民主黨」,身旁的黃碧雲即搶着笑說:「不打不相識」。

岑續說:「我無辦法估計,究竟我要失去自由幾耐,但係個人其實唔重要,因為香港冇足夠位置將700幾萬人困住,唔好講700幾萬人,我哋曾經喺香港爭取民主,企喺街頭烈日當空走出嚟嘅我哋有200萬人,呢個世界冇任何一個監獄可以困得住200萬人。我唯一希望嘅就係,我冇辦法直接親身參與運動裏面,我仍然可以見到我哋社會,不論任何路線、任何策略,我哋都可以互相包容,有偈傾、唔係互相猜忌,向住共同目標一路走落去!」

「呢兩日有朋友專登漏夜整一份書單畀我,佢話呢啲書我相信有一日你會好想睇,我會送畀你,我好感受到嗰一份愛」,岑子杰認為,在最艱難的日子更加能夠看見愛,亦是磨練意志的時候,「民主從來唔係天賜,係靠我哋每一個人用我哋意志爭取返嚟,我好渴望我哋每一個香港人,經歷今日呢個世代......我哋可以話畀全世界人知,喺最令人痛苦嘅制度底下,我哋香港人就係香港嘅光,佢可以收去我哋所有嘅權利,但係全世界嘅人眼睛係雪亮,所有人都知道香港人喺今時今日艱難日子裏面,仍然堅強,仍然爭取住五大訴求」。

岑子杰更向黃碧雲道歉,「喺運動上面,民主黨係第一個我需要講對唔住嘅人......喺呢場運動我係其中一個猜忌過民主黨嘅人,希望你哋能夠原諒我當時嘅衝動」,說話到此,兩人互相擁抱拍膊,高呼「齊上齊落」。黃碧雲補充,「我好明白岑子杰頭先講嘅嘢,喺民主運動漫長道路,有時唔同光譜手足,大家共同目標係走向民主,但係策略手法上有時係有分歧,我從來冇嬲過社民連,亦冇怪責過Jimmy。我好希望經歷咁多之後,大家能互換位置思考、互相理解明白,重新令民主運動可以磨合,繼續向前,最緊要堅定向住民主目標進發」。

黃碧雲強調,即使初選候選人「全部出唔到嚟」,「我相信一批人拉咗、一批人坐緊監、係一定有新一代年輕人出嚟接棒,民主運動係一定會繼續向前,我哋係冇退路」,並謂民主種子已在香港人心裏萌芽,並非國安法或國安警察可以奪去。她又轉述被扣押的胡志偉稱,「我哋係要堅持落去」!

-----------------------------

你敢爆,我敢獎! 立即Signal 63836568、WhatsApp 《蘋果》24小時爆相爆片熱線

或致電:63836568

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner