疫苗接種|回應科興死亡事故 有一半預約取消 接種中心負責人:呢度唔係睇病嘅地方

更新時間 (HKT): 2021.03.03 14:35

中國科興製造的武漢肺炎疫苗,開打數日已通報多宗懷疑副作用事故,其中一名患嚴重糖尿病的63歲老翁,在官涌社區接種中心接種科興後不足兩日,因嚴重不適入院,同日去世,相信是首宗接種科興後死亡個案。官涌體育館疫苗接種中心醫務總監郭寶賢回應事件時強調「中心唔係睇病嘅地方」,打針的決定權在市民,呼籲打針前如有疑問應先詢問家庭醫生。郭寶賢又指,相信受事故影響,今日有一半已預約人士取消打針,同時有10多人臨時「縮沙」。

郭寶賢甫開腔即釐清中心的角色,他說:「中心嘅任務係方便市民預約,先到先得,然後順利打針。」市民在網上登記的時候要閱讀資料,明白有禁忌不可以打針,包括有嚴重過敏、短期內打過其他疫苗及懷孕等。他強調:「呢度唔係睇病嘅地方」,市民認為自己無問題才到來;現場有屏幕播放相關資訊,在場有工作人員供查詢,最後簽同意書,「要剔兩個剔,問過佢哋有冇問題先,決定權留番畀市民自己。」郭續指,中心沒有市民的病歷記錄,「如果有擔心,要講出嚟,我哋唔知打針嘅人有冇唔適合嘅地方。」

對於63歲男子打針後身亡事件,郭寶賢回應說:「中心冇佢嘅資料,休息30分鐘可以離開就離開咗,我哋再冇佢嘅資料,都係喺傳媒嗰度知(死訊),衞生署都冇通知,唔係好掌握到。我哋所掌握到嘅,只係佢邊時邊日嚟打過針,打針時同離開時都冇不適。」

郭坦言今日到中心打針的人,比預約的人數少:「人之常情,少咗人唔奇,的確係少咗人,多咗詢問。」他估計預約者中有三分一至一半沒有出現,而有10多人到中心後拒絕接種,「畀咗意見佢,佢唔打囉!」他舉例有一位市民血壓高,原來早上未有按時服藥,最後決定不打針。今日注射疫苗的市民中,截至中午有兩人在休息期間感到頭暈不適,休息後才離開。據悉,今日原有1,100名市民預約接種疫苗,但至少200人已取消預約,而中心可容納 100人的休息室亦未能坐滿。

他再次重申,是否注射疫苗,市民「自己決定」,可詢問家庭醫生,查詢醫學意見,「嚟到呢度無人可以答到,呢度唔係醫療服務或診斷」。他指,長期病患也有很多種類,可能好穩定,都可以打針,「所以決定係佢(市民),把關嘅係病患者自己」,呼籲所有接種者詳閱接種疫苗的資料,到中心後亦可再作查詢。

打針後身亡的老翁姓李,據了解有嚴重糖尿病及肺部疾病,上月26日由朋友陪同到官涌社區接種中心接種科興疫苗。老翁在接種前後均無異樣,但上周六(27日)因嚴重不適,到伊利沙伯醫院急症室求診,再轉送病房觀察;其後休克,經醫護急救後,於28日凌晨時分不治。

-----------------------------

你敢爆,我敢獎! 立即Signal 63836568、WhatsApp 《蘋果》24小時爆相爆片熱線

或致電:63836568

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner