強制檢測|西區爆疫 市民狠批接種計劃「推長者做白老鼠 太過唔啱」

更新時間 (HKT): 2021.03.14 13:08

西營盤URSUS Fitness健身群組釀爆發第五波疫情,已有逾百人「中招」。政府為堵截社區傳播鏈,將中西區多幢大廈列為強檢大廈。位於西營盤李陞街遊樂場的流動採樣站今日是最後一天服務,不少市民陸續前來做檢測,對於政府的抗疫政策,有市民認為政府和市民要雙方配合,又有市民狠批政府「己所不欲,勿施於人,啲疫苗接種安排,係推長者做白老鼠」。

市民曾先生昨晚在信箱收到民政署發出的強制檢測通知信,遂今早前來做檢測。曾先生指自己居住的大廈有一宗確診個案,收到強制檢測的通知,他表示「無所謂啦!有得做又唔使錢」,更指自己不擔心住處的確診個案,「我大部份時間都唔出門口,除咗放狗或必要嘅時候,基本上都會少出門口」。

被問到疫苗接種,曾先生表示會接種,「但我都會base on個fact邊隻疫苗數據好啲先會打」,更指疫苗初期面世,或存有副作用屬未知之數,認為早前多宗接種科興疫苗後不治的個案,未有科學根據,故自己會細心觀察和分析後才會接種。早已移民美國加州的他笑言自己「滯留香港」,待美國疫情穩定或回落,便會動身回家,他呼籲政府和市民應雙方配合,才會令抗疫措施發揮最大功效,「大家都要自覺啲,每個人都要做多少少」。

另一市民駱先生亦收到通知做檢測,他直言絕不接種科興疫苗,更狠批政府「㧬長者做白老鼠去死,太過唔啱」。駱先生的住處同樣發現有確診個案,故被列入為強檢大廈,他指自己並不擔心,平日有注意個人衞生、關好門窗,又會勤清潔家居。駱先生對科興疫苗大為抗拒:「點會唔關係呀?點會咁蹺呢?唔會咁啱咁蹺打完之後,幾日或者一個星期突然發生(死亡事件)。咁快可以下定論話唔關事,即係佢哋都過唔過到自己囉!」他認為政府和專家們對科興疫苗心中有數,希望醫療界的有能之士能挺身而出,「勇敢啲企出嚟講返人話」。

-----------------------------

你敢爆,我敢獎! 立即Signal 63836568、WhatsApp 《蘋果》24小時爆相爆片熱線

或致電:63836568

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner