47民主派還柙@赤柱|張超雄探望郭家麒 「唔容易過 大家都在捱」阿牛探傑斯:未審先囚相當難受

更新時間 (HKT): 2021.04.13 11:08

47名民主派因參加初選被控違反《國安法》下的串謀顛覆政權罪,至今有11人,包括劉偉聰、呂智恆、楊雪盈、林景楠、黃碧雲、鄭達鴻、柯耀林、彭卓棋、施德來、李予信及何啟明獲准保釋。其餘36人未審先囚,當中最少12人如重囚般還柙在赤柱監獄,包括黃之鋒、朱凱廸、林卓廷、岑敖暉、陳志全、趙家賢、張可森、郭家麒、鄒家成、李嘉達、鍾錦麟及譚凱邦。

今晨8時許,郭家麒太太及張超雄先後到達赤柱監獄,他們均來探望郭家麒。兩人約10時探望後離開,張超雄探完郭家麒後表示,「佢(郭)都感到辛苦,被剝奪自由不是好事,不容易度過,大家都在捱,不過精神都好好。其實大家坐在一列的探訪區,我哋都會見到其他47名在囚民主派人士。」

而9時許,阿牛曾健成則來探望「傑斯」尹耀昇。阿牛約11時離開,他坦言傑斯不習慣牢獄生涯,「佢好掛住屋企人,出面嘅朋友。佢未知幾時開始先正審,未審先囚,相當難受。他仲早過47民主派(被囚),依家無了期押後(審訊),又唔畀擔保,用國安法好嚴重指控,長期軟禁,佢今日轉大倉,可以多啲人。」

被問到同路人被囚的心情,阿牛不禁眼濕濕,「我哋去探老友,都唔知佢哋探我哋,定我哋探佢哋,佢哋係為民主自由,為良心而入監獄.....全港700萬人坐監,包括法官,打份工,要跟中央話事,今日同昨日嘅法律,大家都陌生,人大就係法律,領導者就係法律,佢講就係法律,正如去世嘅廖啟智話齋,大家唔好習慣。」

「傑斯」尹耀昇被指去年在網上節目發表煽動言論,牽涉制裁香港官員、支持民主派35+初選、批評共產黨等內容,2月被控以4項「具有煽動意圖行為」罪,提堂後被總裁判官兼國安法官蘇惠德拒絕保釋,案件押後至5月10再提堂,等候警方調查。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

你敢爆,我敢獎! 立即Signal 63836568、WhatsApp 《蘋果》24小時爆相爆片熱線

或致電:63836568

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner