4日3宗漏電火警|疑孫仔叉「尿袋」短路焚宅 婆婆:冇諗過 畀個教訓第日識

更新時間 (HKT): 2021.04.19 09:23

慈雲山慈樂邨樂祥樓27樓一個單位,早上8時22分起火,消防員接報到場,出動一喉一煙帽隊灌救,23分鐘後將火救熄,無人受傷。近百名街坊匆匆疏散,其中一名約6歲的女童由消防員抱住,戴住防煙面具,家人亦有隨行。其後落到地面,即有救護員給女童披上保暖毯。而起火單位的長者女住客無恙,她事後登上警車協助調查。火警原因無可疑,初步顯示電線短路引致火警。

至早上10時左右,居民可以陸續返回單位。其中27樓走廊暫時停止供電,房署工人在走廊清理積水。現場可見,起火單位戶主搬出4部電動滑板車、1部專業用航拍機及兩箱相機鏡頭到電梯大堂暫放。其中1部電動滑板車燒毀比較嚴重。

起火單位住有至少一家四口,包括婆婆及一對孫仔孫女,他們正在執拾家中的物件,有行李篋放在門外,屋內一片漆黑,滿地積水。婆婆說慶幸火警中個個都無事,「啲人個個出晒街,得孫女(18歲姓楊)一個,佢走得快,最緊要冇事,應該係電掣叉電,當時滑板車冇充電,我個孫叉電,成日開着,冇諗過呢啲嘢(火警),畀個教訓第日識。」她說現時要執拾家中物件,「冇辦法,依家搞都難,搞都辛苦,執返啲緊要嘢先,拎走先,仲要清間屋,幾日都住唔到,全部黑晒!」孫仔估計,可能是插USB的「尿袋」出事。

住在同層對角的男街坊表示,事發時他剛刷完牙,聽到bomb bomb bomb幾聲已見周圍黑煙,「爆咗幾嘢呀,我報警,我唔識佢哋。」他望見搬出來的滑板車被燒毀,自言「要小心充電呀」。

今次是4日內,第三宗疑涉及家居電線短路引致的火警。上周五(16日)秀茂坪寶達邨疑有按摩椅短路起火,釀成4死火警慘劇。一家六口中有5人在家,60歲男戶主及時逃出求救,妻子、兩名女兒及2歲外孫女葬身火海。今日(19日)凌晨3時許,翠柏路柏雨花園27座一單位,突然起火冒煙,男住戶立刻逃生及報警。但屋主飼養的7隻貓中,有3隻最終不治。火警無人受傷,初步懷疑是一支正充電的按摩槍首先起火。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

你敢爆,我敢獎! 立即Signal 63836568、WhatsApp 《蘋果》24小時爆相爆片熱線

或致電:63836568

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

追實城中突發大小事,即 like 蘋果【現場】FB!
BannerBanner