貓頭鷹BB再露面 龍友嘆未離巢失望 警員籲勿違限聚令

更新時間 (HKT): 2021.04.25 11:46

黃大仙區某一個公園的領角鴞貓頭鷹再度在樹上築巢繁殖,引來不少龍友及市民拍攝,貓頭鷹BB在巢內眼碌碌東張西望可愛萌爆,市民沒有龍友的長炮鏡頭,只能用手機拍攝貓頭鷹BB,而貓頭鷹媽媽緊張地站在一旁監視保護雛鳥。受疫情困擾一年多,市民臉上終露出一點難得的笑容,小朋友也看得高興。謹記在拍攝及欣賞的時候要保持距離,及勿用強光照射貓頭鷹啊!

康文署在公園用鐵欄圍封,禁止市民太接近樹巢,今早約7時許,已有約50名龍友在公園內拍攝貓頭鷹,分佔3處地方架起腳架守候。從荃灣過來的龍友李先生表示,清晨5時許來到公園,當時已有10多名龍友,故未能搶佔第一排的有利位置,剛到達不久,有一、兩隻貓頭鷹BB伸出頭來張望,露面約半小時後,又再伏下睡覺,因當時仍未天亮光線不足,故未能拍下靚相,打算留守至中午。他昨天曾來過亦拍下少量貓頭鷹BB照片,估計貓頭鷹幾日後可能便會飛走。

龍友三角陣長炮部署 警到場籲勿違限聚令

早上近11時,有警員到公園巡視,提醒巿民勿違反限聚令,逗留10多分鐘後離開。有8至10年影雀經驗的龍友陳先生稱,3、4日前來過,早上7時許第二度來訪,「之前見到成鳥飛嚟飛去,跟住睇到佢孵蛋,啲仔出咗嚟,有6隻仔,呢個公園暫時見到有8隻貓頭鷹」。他續說,「之前兩年全部啲仔會落晒地下,呢次特別啲,正常今日會全部出巢,但都冇出到,所以你見好多人都失望走咗......可能到今晚會落地,聽朝早可能會走、三兩日內應該會全部走晒」。

據陳先生說,有一、兩隻BB今早曾離巢,他形容BB「未識飛,好似雞仔咁,一落地,慢慢爬返上棵樹個巢」。他又指,這公園今年「已經第2、3竇,四圍都有」。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

你敢爆,我敢獎! 立即Signal 63836568、WhatsApp 《蘋果》24小時爆相爆片熱線

或致電:63836568

追實城中突發大小事,即 like 蘋果【現場】FB!
BannerBanner