集腋成裘|大東山公眾水箱嚴重漏水 維修義工「吹雞」 行山客響應做「運沙兵團」

更新時間 (HKT): 2021.05.02 06:00

疫情下,不少港人都會到郊區行山,大嶼山大東山為其中一個郊遊熱點。大東山山頂一個據稱具60年歷史、由英軍所建的公眾水箱,近日因日久失修而漏水。有義工團體為確保行山人士在即將到來的炎炎夏日仍能享受水源,近日發起修補水箱行動,呼籲市民在郊遊時,可順道將由他們準備的修補物料運上山頂。《蘋果》在勞動節到現場直擊「運沙兵團」的運作,發現不少行山客響應號召,為修補水箱萬眾一心,各出一分力。

記者在東涌道最高點伯公坳下車後,隨即見到大東山山腰的涼亭內,有約20支膠樽和20個膠袋,全部都裝滿沙、英泥和黏合劑等修補物料。涼亭內有一張由「大東山爛頭營義工團」貼出的告示,指大東山上的公眾水箱已損壞,「敬請有心人士協助幫忙;每人上山帶少少維修材料義務運上山頂的公眾水箱」。不少行山人士在起步登上大東山前,都會駐足閱讀告示,部份人更會即刻加入成為「運沙兵團」,手拿一樽二袋上山。

熱愛行山的葉小姐,家住大東山附近,勞動節前一晚得悉有人在facebook呼籲幫手運物資到水箱,便趁着假日,專程行了一轉大東山,運送物資上山,「我噚晚喺facebook度見到有個谷,呼籲大家如果經過的話,就幫少少盡少少力,攞啲沙上去,修補個水箱。」

葉小姐表示,由於主力協助搬運物資,行山時沒有帶其他多餘物品,可以輕裝上陣,所以在涼亭拿了一袋約2公斤重的沙上山,「冇乜拎嘢,攞得多啲咪多啲囉,自己有能力可以拎多啲,水樽(裝了沙)容量較少,留畀其他行山人士幫手」。她又指,「個水箱都好緊要,我噚日見到都share咗,想多啲人嚟幫手」。

行山人士Danny第一次協助搬運物資修補水箱,事前並未看到facebook的相關呼籲,「我喺山下面見到涼亭貼咗紙,所以幫手,嚟到先知」。他在涼亭看到相關通告後,立即義不容辭拿起兩支裝滿沙的膠樽,相信其他行山人士都會「量力而為,每個行山人士知道自己能力去到邊,我自己都係攞兩樽,大東山行山人士都唔少,每人拎一兩樽,好快就拎晒」。

由山腰涼亭走到山頂公眾水箱的路程約2.5公里,需時約1小時,沿途頗多步跨甚大的石級。當記者快將到達水箱時,離遠已見到一名穿着灰色長衣、頭戴迷彩色漁夫帽的男子在修補水箱。一眾「運沙兵團」到達目的地後,都會把膠樽和膠袋放在水箱旁邊。現場所見,約有30支膠樽和20袋膠袋,以及兩桶修補物料已運上山。

水箱的長寬深分別為3.5米乘3.5米乘2米,角落處有明顯的修補痕迹。正在修補水箱的男義工自稱Jacky,他指大東山上的公眾水箱已有60年歷史,「係英軍60年代嗰陣時起,下面天池都係」,至於建造公眾水箱的原因,則是「等行山人士經過有水用,所以特登叫英軍幫手,就起咗個水缸同集水區」。

Jacky稱,公眾水箱的水源來自山頂的集水區,並駁有水管通往爛頭營附近供行山人士取水,以免他們「炎夏嗰時冇水用」,但由於日久失修,水箱目前漏水情況非常嚴重,「漏水速度快過嚟水」,嚴格來說修補亦只是為它吊命,以目前漏水情況去評估,應該要將它拆掉重建,「真正要做,其實要拆晒佢起過,但冇資金冇人力」。

他又指,水箱今次已非第一次修葺,「我哋鍾意呢度,所以咪修修補補,大家得閒咪上嚟玩吓囉,有時間咪修葺囉,冇時間就放假先上嚟,今次做咗三日」。根據義工團fb專頁的資料,水箱上一次修葺的年份為2016年。他認為,「一個人做唔到咁多嘢,一啲人捐吓沙呀,捐吓石屎,啲膠漿呀,每人出少少,有啲人話我捐唔到呀,我幫你搬啦,有啲人話我幫你宣傳幫你打文字,個個做少少,我哋鍾意呢度先咁做(自發冇人工)」。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

你敢爆,我敢獎! 立即Signal 63836568、WhatsApp 《蘋果》24小時爆相爆片熱線

或致電:63836568

追實城中突發大小事,即 like 蘋果【現場】FB!
BannerBanner