200市民繼續排隊懲罰CHICKEEDUCK 周小龍:大家好齊心 好感動

更新時間 (HKT): 2021.05.08 17:41

CHICKEEDUCK藝術生活百貨位於荃灣的分店,於本月4日開業後第三日(6日)突被警方國安處搜一小時,昨日又有消防處接獲投訴指該店走火通道不合規格,兩度派員到店舖巡查,惟無阻市民的熱情支持,今日連續第三日到該店排隊「懲罰」,早上11時半開門前,已有逾半百市民在店外耐心排隊等候入店購物,開門後職員分批放顧客入內,店內仍擠得水洩不通,至下午時分一度有逾200人排隊。

老闆周小龍今午亦在場維持秩序,協助市民入內購物,他見到多名市民不怕熱天,冒著大太陽排隊,令他非常感動,「呢啲人係你愈打壓我就出嚟,佢哋企喺度,就好似話畀你聽:『我哋係捍衛公義』」。他又指大家非常齊心,所以完全反映到民意所向,希望政權及建制派可以看到「真正的團結」。

他指自己奉公守法,理直氣壯,所以不太擔心,會如常營業,「而家啲人全方位搞你,唔知係建制派定心雄嘅人,根本無得防範,唯有平常心,做呢壇生意都係享受自由的空間,直到自己嘅個人自由空間都收窄埋,咁就無辨法」。

他又指經營零售生意多年,從未遇過這麼多部門「探我哋」,前日國安處突擊搜查荃灣分店,抄下職員的身份證明文件,嚇到其中兩名職員已經辭職,「(國安處)好似成班爛仔咁,一入嚟就好惡,呼呼喝喝,諗住大聲就可以蓋過你,問多兩句就話我阻差辦公,以前都覺得有啲警察係好人,但經過前日嘅事,真係對警方好失望」。

市民薛小姐與鄧小姐結伴到來,排隊等候半小時仍未進店,但她們仍很有耐性,其中薛小姐專程由九龍區到來支持,「香港人自己努力創業,應該支持,持開放嘅心,睇到合適嘅就會買。」對於警方和消防連日來的突擊巡查,薛小姐指「冇智慧嘅舉動,我哋係有文化,以香港人文化、文明嚟回應返,唔需要動怒,以合法、合情、合理讓佢哋知道原來佢哋好愚昧!」她坦言若人龍再長,只要天公造美,她身體又許可,會繼續排隊,盡少少綿力。

和薛小姐同行的鄧小姐則說今早11時半已到來等候,排了半小時仍未能進入店內,她笑言排半小時「好濕碎,如果要排成個鐘都ok㗎。」萬一排隊期間遇上部門又來巡查,鄧坦言「我哋買嘢之嘛,又唔係犯法,因為消防條例保護市民都應該嘅,唔好騷擾市民就得。」

Tracy昨天已來過,排了45分鐘才能進入店內,她今日再接再厲,更帶了10歲的女兒同來,今日未開門前已來排隊,「嚟得就預咗排,排係好,排隊即係有人支持,唔介意排,會預時間嚟排,排半日都冇所謂,支持周老闆,裏面賣嘅嘢,唔知幾時突然之間擁有都變成犯法都唔知,呢間舖可能突然之間一日唔畀佢做落去,所以要盡快嚟,同買自己鍾意嘅嘢。」若再有警方消防到場,Tracy不諱言「佢哋按本子做嘢,佢做嘢囉,我繼續shopping,出新貨會繼續嚟!」兩母女買了一大堆明信片和徽章。

位於荃灣享成街15號的CHICKEEDUCK藝術生活百貨於本月4日開業,店內除貼有不少有關反送中運動的畫作,正門更放有一個高約6呎的巨型民主女神半身雕像,新店首日開張時已吸引過百人到場支持及購物。店內售賣不同貨品,除了衣物外,還有茶、毛巾、杯、口罩套、月曆、民主女神擺設等。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

你敢爆,我敢獎! 立即Signal 63836568、WhatsApp 《蘋果》24小時爆相爆片熱線

或致電:63836568

追實城中突發大小事,即 like 蘋果【現場】FB!
BannerBanner