【桂民海遭重判●專訪】「無殺人放火判10年?」 林榮基:中共殺一儆百 唔想佢自由

更新時間 (HKT): 2020.02.25 16:15

「朝早朋友畀咗呢個消息(桂民海判刑)我知,覺得好難過……」曾被內地公安拘留的香港銅鑼灣書店前店長,現流亡到台灣的林榮基接受《蘋果》專訪指出,中共對桂民海判刑是超出自己的預期。

林榮基質疑當局告桂民海的罪名,「佢只不過出本書,究竟有咩大不了,會影響佢(中共)嗰政權?根本唔成立,反而唔想桂民海自由,唔想佢離開中國大陸(就真)……佢又唔係殺人放火,咩理由判佢10年?」

林榮基認為,中共只係隨便搵個藉口去控告桂民海,當中強烈「警告意味」。外界指出內地武漢肺炎疫情嚴重,甚至動搖其管治,林榮基質疑判刑是要殺一儆百,「你反抗,我就非合理地嚴懲」。他認為這或是對香港人的反抗作出一種警示。

林榮基強調,中共嚴懲異見者,同時反映其對自己的政權和管治缺乏信心:「好多嘢就強行亂嚟,用非理性的管治方式……我覺得佢哋管治會越嚟越失控。」林榮基認為,中共會沿用「治亂世用重典」的原則管治,惟這方式即使對內地奏效,但對香港卻未必有用。他寄語香港年輕人,即使反抗,也要懂得保護自己,因為隨時會被重判,甚至被消失。

《果GYM》隨身播  健身壹App過!

一格照片,一個故事,Follow蘋果Instagram!
BannerBanner