大款南下求醫 - 左丁山

更新時間 (HKT): 2005.03.31 08:00

醫生W約食午飯,時間係一時十五分,比較少有。想深一層,醫生上午睇症,好難知道幾時可以起身去食飯,約一點一個骨,係唔想老友早到等候而已。
如時赴約,醫生W話另一位老友醫生K有更多病人,唔知幾時嚟,大家食嘢先。果然要等多十五分鐘,醫生K先至趕到,今日居然打咗煲呔。醫生K話:「我算唔算政治正確?」或者係啦,曾校長(唔係曾司長)竟然透露,九七年選特首,佢嘅第一票係投畀吳光正嘅,點解曾校長七年多以嚟都唔講,𠵱家先至開口呢?莫非係要(一)與董先生正式割席;(二)現在係適當時機,意有所指?咁搞法,曾司長上位尚未成功,仍須努力。我哋唔打呔,改掛煲呔,未必百分百政治正確。

果然好玩 籽在四方,即like「果籽」FB專頁!
BannerBanner