721元朗與Mr Jones - 陳也

更新時間 (HKT): 2020.11.06 02:00

趁美國大選開波前夕,差佬高調拘捕「鏗鏘集」女編導蔡玉玲,令兩套揚威海外的得獎猛片又試成為焦點。將「721元朗黑夜」與「721誰主真相」推上Neflix吧,讓記者鍥而不捨的採訪佔據國際眼球,元朗警區×白衣人,厲害了!村代表唔一定拜山先着白衫,黑夜中那批白衫比武裝的green object更「堅守崗位」,將兩個華麗轉身的軍裝比下去。無差別打遍元朗站,木棍不離不棄,之後專車接送,這種特色鄉紳打人唔使本的文化,唔齋talk,來真的!白衫村霸,直情有心兇鄭月娥,see,咁先叫做好打得,唔似你咁鳩噏!元朗黑夜白衫揸住碌棍衝出亞洲,與美國極右的「白人優先」意外地接軌。一個開槍一個揮棍,照咁睇呢,PK難道表面藍皮,實則心繫侵侵?

721誰主真相,113誰主白宮?必須注意蔡玉玲有份製作的另一套作品「何志平的名單」。包裝黑材料、溝亂真假訊息對付政治人物,屬黨的專利操控,傳媒以慣常手法調查,觸動黨偉大的神經,被硬塞九唔搭八的罪名,記者守護新聞,以後點樣做下去?預咗被Mr Jones?無論哪位阿伯當上美國總統,香港都係雞飛狗走,戰亂mode。

果然好玩 籽在四方,即like「果籽」FB專頁!
BannerBanner