菠蘿工會再次偉大 - 陳也

更新時間 (HKT): 2020.11.19 02:00

慢必收到來信:「現時證據不足以對任何人提出起訴」。大話冚大話,法官一錘定音,灰爆的香港人點會唔明。但注意接着那一句:「如果有更多資料顯示有人涉案,警方會覆核該案」。慢必隨時變林卓廷,傳媒被控,721誰主真相?由原告變被告,手無寸鐵變勢均力敵。元朗白衫被警司拍膊頭,你明嘅。慢必被郭x強拉扯衣領拖行摔落地,唔怕「證據不足」,只消到篤灰熱線搜刮材料,證據好快確鑿,慢必條領,擺明係煽惑他人的元兇!以後立法會一律下令議員與實Q,無領用!

當日姓郭的被記者問,是否情緒失控,他答「你覺得係咩?」郭氏代表那個工會,情緒失控最經典的前科,係擲菠蘿!六七暴動,同胞勿近,教育電視都唔敢扮幽默!工x會死左仔(當年真係咁叫)擲土製菠蘿,警民中招死傷唔少(689老竇當過差竟會冇feel)。換成今日的司長,包保眼都唔眨,撤控。萬一被迫告一兩個,像姓郭那種人,頂多與扯女警頭髮的警長同罪,判社服77粒鐘!六七暴動,被送審的教科書中,跟六四屠城一齊被刪除。敢對鄭月娥爆粗那位工會女代表,加上動粗的郭某,讓菠蘿工會再次偉大!

果然好玩 籽在四方,即like「果籽」FB專頁!
BannerBanner