投石問路 - 陳也

更新時間 (HKT): 2021.04.08 02:00

葉國謙指投白票呢個行為,單係社交媒體講,冇問題。有規模地呼籲投白票,就屬干預。

国安上鄭大媽身,講明無遠弗屆N年前的社交媒體裏面每一粒字都會逐隻審查,參選人底褲反轉被篩七次,對160萬選民(區選泛民本土夾埋)一樣嚴厲清算。葉氏豬噏淡化fb與YouTube,斷估佢唔敢知法犯法,但引人犯罪的嫌疑難洗脫。葉氏A毛主席絕殺秘技的貨,玩引蛇出洞,認真你就輸。

無論白票或柒票,面對你所屬那個選區,經過DQ後仍能站台那幾個候選人,九成係湯渣翻版。忠誠垃圾不是再生能源,無法驅動無力感的選民撻番着個引擎去投票。投票率低,雖然瘀,但少做少錯,旨在交貨。張建宗就係不做=不錯的腦殘垂範。司局長唔敢谷高投票率,驚廢票白票破紀錄,嚟緊一定兜圈發功,挑戰醜事做盡的眼冤極限,向選民疲勞轟炸。就算泛民搵到素人出征,選民憂慮熱情的一票隨時推了一個好人去坐監。 距離投票日很遠,大家慎思。為香港政途苦心揼石仔的,自發去山野回收垃圾、投石問路。投石,阻止到一屋13姓的PK種票嗎?是,不能的。通向天堂的隧道堵塞,未能接收姓葉這種廢料;人間惡途,暫時只能忍下。

果然好玩 籽在四方,即like「果籽」FB專頁!
BannerBanner