忠誠廢物嘔白泡 - 陳也

更新時間 (HKT): 2021.04.29 02:00

年紀大,機器壞。錯,豪花公帑半億剛落地三日已經腎腎地的觀塘音樂噴泉,第四日終被圍封。咁啦,順水推舟,索性宣告「完善噴泉制度」,如下:

一,音樂噴泡,是預演下個月與新加坡的旅遊氣泡,吹皺bubble,觀塘區防火滅罪委員快手整一座吹氣魚尾獅坐鎮,負擔唔起貴機票的升斗市民,搓住梘液當去咗聖淘沙食海南雞飯。

二,噴泉個噴嘴與水炮車同款嗎?即刻出動,四個轆繞觀塘出巡,向小朋友示範,槍指頭,天真爛漫,噴嘴一樣,免費幫你洗濕個頭;提醒家長,洗腳唔抹腳係假新聞,水炮能識火未燃?Is not a issue。

三,五千萬身價的音樂噴泉敵不過幾蚊雞的梘液?康文署機警測試,叫水泉澳邨後山大叔阿嬸人肉實測,暢快裸浴兼屙N篤起泡的尿尿。假如頂得泡,噴泉立馬轉型做半億公廁,專門接待七字頭老坑,三急時有音樂鬆弛,開幕式由董伯伯主持,仆住屙,唔使扶。

四,建制保皇興奮甩鍋,田同志啊,嘔白泡的音樂噴泉才是貨真價實的忠誠廢物!

果然好玩 籽在四方,即like「果籽」FB專頁!
BannerBanner