不能讓民主黨躺平? - 陳也

更新時間 (HKT): 2021.06.10 02:00
資料圖片

谷針從送樓大抽獎,到奀奀地有黨鐵全年車票。谷民主黨(無問點解針對民主黨)12月參選立法會,冇樓冇票,前黨主席張炳良齋出口,口寡寡,零調味,食相欠佳。老實講,就算出埋手,家下唔係lunch蛇出去揼骨,谷參選,民主黨不腰疼,唔落搭,好自然。張炳良猛問「咁個黨唔參選,存在還有什麼意義」,張炳良顯然唔熟揼骨行情,但冇理由天真爛漫到這種地步,以為講吓存在意義就能動員,躺平就是正義啊阿叔。

谷生三個難,只係谷選,就當谷針,開列實體獎賞吧。一,樓特別抽,隔籬單位雖然仍是中聯辦,參選者,預咗叛諜同謀,當做入虎穴做餌,自我犧牲,高尚情操來的。冇樓冇殼的黨員,一房專政七級誘惑,點頂?二,講到口臭都未通關,黨友參選,即獲通關證,任期內與任期後七年,都是綠碼!建設民主中國,與神州爽遊探親醫病,同步進行,咁筍,點頂?三,不是不報(名)只是時辰未到,官派李居士提供風水參選秘笈,終身免費睇相,命運自主放題,任食牛丸自肥的饞嘴師兄,點頂?四,689若要復陽坐正,別等了,獎賞民主黨五千萬啦!

果然好玩 籽在四方,即like「果籽」FB專頁!
BannerBanner