【夢邊緣.馮睎乾】《東京喰種》──抗爭者必看神作 - 馮睎乾

更新時間 (HKT): 2016.04.25 05:20
為保護朋友,金木願成怪物。

鬼節未到,但殭屍、喪屍、食屍鬼已紛紛出籠──大熱美劇《陰屍路》(The Walking Dead)第六季月初剛告終,TVB《殭》就緊接登場,ViuTV則由月中起於深夜播出紅爆動漫《東京喰種》。由於《我和殭屍有個約會》情意結,我也看了幾集《殭》,原諒我比較直,唔好話睇,齋聽都好難受。拍呢類戲其實唔難,劇情狗屎預咗,最緊要搵個型英帥靚正小鮮肉做男主,設定可照搬都敏俊,要佢守護個年青貌美嘅女主,兩人搞場若即若離喊苦喊忽嘅人殭戀大龍鳳,就足以令萬千師奶少女蕩氣迴腸。但大台偏玩顛覆,不斷挑戰觀眾情商:大膽起用46歲鄭嘉穎配唔識做戲嘅39歲人妻,又叫隻理應身光頸靚嘅殭屍(試比較「將臣」任達華)去做廚,我阿媽唔知,仲以為係元華演緊豬肉佬。咁鍾意顛覆,不如元華配林雪玩hehe,套劇索性叫《薑》(萬年老薑嘛),咪仲cult?人生苦短,與其看重頭膠劇,何不轉看《The Walking Dead》或《東京喰種》呢?

《東京喰種》是日本漫畫家石田翠的作品,2011年起連載於青年漫畫雜誌《Young Jump》,後改編為動畫。青年漫畫以二、三十歲男子為主要讀者群,內容多環繞職場、社會問題,儘管不乏超現實元素,但反映的終究是人生。《東京喰種》講「喰種」──擁有人類形相、以食人維生、力氣遠比人強的奇異物種──跟人類抗爭,互相殘殺,不難看出最皮毛的社會隱喻:喰種是邊緣人、弱勢社群,人類是主流社會、權力階級。但這種解讀是片面的,隨着劇情推演,人和喰種關係千絲萬縷,絕不止於敵我分明的階級鬥爭(因此更反映現實)。若從男主角金木研的角度理解,則《東京喰種》又隱喻了人的成長心路。

理想唔係大晒

不要活在夢中

喰種如何抗爭?

融會文學經典

《東京喰種》的「喰」怎樣讀?

「喰」在古代漢語等同「飧」(粵音「孫」,指「熟食」),亦同「餐」(指「吃」)。「喰種」是作者石田翠杜撰的日文新詞,指「食屍鬼」,所以這個「喰」並非對應「飧」或「餐」,宜從俗讀為「食」。

撰文:馮睎乾

文學手稿編輯,兼職專欄作家及拉丁文、古希臘文教師。

果然好玩 籽在四方,即like「果籽」FB專頁!
BannerBanner