馮仁昭四圍超--主持節目又捱轟
森美:食唐狗好安心 - 馮仁昭

更新時間 (HKT): 2011.02.26 06:00

商台DJ森美同拍檔小儀喺06年主持電台節目《架勢堂》時,因為舉行咗一個「我最想非禮女藝人」選舉,遭到婦女團體同普羅市民投訴,最後佢兩個被電台停工兩個月。去年有一位聽眾打去佢哋節目《早霸王》時講到好多人因為生BB而遺棄屋企嘅小動物,森美就話:「狗始終係動物,雖然你好錫你隻狗,但係隻狗唔識錫你個仔,大家要記住,有一日佢咬你個仔嘅時候,你唔好驚訝,因為嗰隻係一隻動物。」呢番說話一出街,令到好多人不滿,facebook仲有一個名為「要求電台DJ森美慎言,停止鹵莽發佈曲解狗隻之言論」嘅群組。

自爆食兔仔肉

點知森美噚日又喺節目上失言,今次佢講開話試過食兔仔肉,佢話:「我一邊食個腦出現兔仔個樣,好驚,如果啲狗冇金毛、西施、芝娃娃,全部都係唐狗咁嘅樣,其實你食得好安心o架!」此話一出又引嚟聽眾投訴佢歧視唐狗。商台對外事務部就呢件事作出回應話:「森美小儀嘅言論係以一啲例子諷刺人食肉嘅行為。」睇嚟森美仲未學到慎言嘅道理。

娛聞樂陪你走遍全球追星,即Like「娛果」FB 專頁!
BannerBanner