倉底劇口碑鍊贏台慶劇
《天與地》金句全城瘋傳

更新時間 (HKT): 2011.12.03 06:00

雪了兩年的倉底貨,解凍後才知滾熱辣。戚其義監製的無綫新劇《天與地》上周啟播,其破格創新的情節贏盡口碑,而JoeJunior慷慨激昂的一句「Thiscityisdying,youknow?」更感人肺腑。諷刺的是,《天與地》遲遲未播出,令其無緣競逐後日舉行的無綫頒獎禮。相反,一齣錯漏百出的《萬凰之王》卻獲多項提名。同是無綫劇,待遇竟是天與地。

無綫劇集近年經常被指反智低俗,又經常捲入涉抄風雲,質素低處未算低。不過上周播出、由戚其義監製、陳豪、林保怡、黃德斌和佘詩曼等主演的《天與地》,終於令觀眾另眼相看。

人食人挑戰道德觀

JoeJunior斥時弊

創作人不怕收視低

對於兩年前的劇集已預視香港現況,《天與地》編審周旭明昨在電話中說:「段對白唔係乜嘢獨到見解,嗰part係由回歸開始,成個香港嘅現況係咁,成個文化好單一口味。兩年前都啱用,係咪好可悲?老實講,我唔覺得呢個現象兩年時間可以改變。兩年之後咪唔啱用?我預計都會啱用。」周旭明指對白不止是自己心態,而是很多人心態。會否太高深令一般觀眾難以理解?他說:「我唔想話係觀眾責任,呢個係市場供求問題。」問到收視低會否對創作人信心造成打擊?周旭明說:「冇,我同阿戚(戚其義)收視低而有口碑唔係得呢套,之前都係咁,因為自己有種睇法,所以想堅持落去。」採訪:林妃、馮國康

逐格睇:無綫劇未死得晒

或許這城市步向死亡,猶幸好劇集還未死晒。被譽為「cult」劇的《天與地》受小眾熱烈追捧,當中的破格場面更是無綫劇極之罕見。

娛聞樂陪你走遍全球追星,即Like「娛果」FB 專頁!
BannerBanner