有話兒:胡定欣打動觀眾心

更新時間 (HKT): 2012.05.12 00:00
胡定欣與韓國藝人李承鉉於08年,在《舞動奇跡2》中奪得季軍,她的舞蹈天份令人眼前一亮。

曾經憑「舞」而跳出一片天的胡定欣,最近又因為「武」而打出頭,原因當然是在熱播中的無綫劇集《拳王》中,定欣飾演聾啞女拳手丁丁一角,打動了不少觀眾的心靈。踏入新一個10年,定欣亦早已定下目標:「我希望可以有一套屬於自己主演嘅劇集,有呢幾年嘅經驗,我對做女一(第一女主角)有信心,雖然藝人係好被動,好多嘢都要一步一步嚟,但我已經ready,只係爭呢個機會。」 撰文:何慧斯

談到在熱播劇《拳王》的演出,胡定欣說:「我自己好鍾意呢個角色,今次同以前啲角色好唔同,丁丁嘅外表好柔弱,命運好坎坷,直到佢喺偶然機會遇到唐拾一(鄭嘉穎),接觸咗打拳之後,令佢有做人嘅目標,開始改變命運。」

練拳學手語

繼續向前行

在過去的10年,定欣努力為演藝事業打好根基,從一些性格模糊的角色,慢慢變得形象鮮明,她說:「以前可以話做戲經驗唔夠成熟,家對做戲多咗啲唔同嘅感覺,拿捏角色嘅睇法又會唔同,呢啲都係以前累積嘅經驗,人係要不斷向前行,要比以前更好先叫做有進步,當然,我好開心有觀眾話我可塑性好高,好多變化,呢啲感覺真係要有人留意先會感覺到。」

朝女一進發

踏入新一個10年,定欣亦早己定下目標:「我希望可以有一套屬於自己主演嘅劇集,我唔係話唔想做配角,我覺得只要角色啱,唔使分主角定配角,不過有時我會覺得做到呢個moment,再睇埋觀眾畀你嘅評語,都好似話緊畀我知,應該嘗試吓做女一(第一女主角),我覺得係咪有機會嘗試呢?希望將來公司畀呢個機會我去試,我對自己有信心,會向住呢個方向走,希望自己可以勝任,當然藝人係好被動,好多嘢都要一步一步嚟,但係我已經ready,只係爭呢個機會。」

感情篇:姣精唔會做剩女

一直以來,胡定欣對感情事都低調處理,直到近期她被封為姣精,而且更有七個男人,頓時令大家再度揣測她的感情生活,她笑說:「其實入行初期都試過俾人改過呢個名,大家都識我咁多年,或者身邊嘅同事對我都有一定認識,所以再出呢啲新聞,都唔覺得好緊張,或者驚俾人再誤會,識得我嘅人都知道我唔係呢類人,佢哋反而覺得我粗魯少啲、講嘢好聽啲,都已經好多謝。」

緋聞當笑話

結婚必公佈

問到定欣是否受身邊離合太多影響?她說:「都會㗎,有時見到藝人嘅感情受到評論,都會幾影響,我自己都曾經公開過,我覺得私人事留番私人處埋,自己知道就得,直到我結婚嗰日先向大家宣佈,咁咪仲戥我開心,總之唔擔心我會做剩女。」

娛聞樂陪你走遍全球追星,即Like「娛果」FB 專頁!
BannerBanner