我主場--鄭子誠:我有陰謀

更新時間 (HKT): 2012.10.20 05:20

以靚聲見稱的鄭子誠,最近被網民捧成「完美奸人」,他的一切行為都被認定背後有大陰謀,鄭子誠與奸人中間幾可畫上一個等號。16年來,子誠亦已由介意演變成享受做奸人,對於眉宇間流露奸氣,他笑言:「哈哈哈……好在旁白得把聲好啲,見樣嘅話,啲人話我咁衰仔,一定有陰謀,哈哈哈……」。
撰文:羅美倫

鄭子誠近半年熱爆網上討論區,被封為「完美奸人」,但凡他的一切都與奸、陰謀扯上關係,對於「鄭子誠現象」,子誠倒沒所謂:「件事唔太負面,冇人身攻擊,只係針對我嘅角色同角色背後嘅陰謀,我反而受寵若驚,咁多人可以討論,佢哋都花時間討論我,真係無言感激。」子誠探討過現象,認為跟現在社會政治化有關:「話我做嘅嘢背後有陰謀,我諗係源於大眾對政府嘅不滿,延伸到個人感受,對身邊嘅人唔信任。」

「自己都睇唔順自己」

「日日踎喺永祥大廈」

由抗拒到享受,子誠奸盡電視圈,背後沒有陰謀,但有一個故事,他說:「其實入無綫第一件工作係做《城市追擊》主持,嗰時新人被安排日日踎喺永祥大廈做祥哥(新馬師曾)爭產,點解見唔到我呢?因為娛記勁,訪問時我只能遞支咪入去,永遠只見咪頭見唔到我,有次我問公司見咪牌有冇騷計,唔畀騷我咪白做?後尾我係唔係都遞個咪牌入去。」最初子誠入《城追》以為會像鄭裕玲般坐廠做主持,誰知日日踎街令他意興闌珊,子誠說:「由祥哥爭產做到祥哥離世,日日就等小艾、九舅父講嘢,有日喺醫院等祥哥,收到藝員科電話,話《真情》想我試鏡,呢個電話改變我嘅命運,冇呢個轉捩點我可能捱唔到幾耐要離開無綫。」

「做好人唔夠阿海好」

「唔會對住老婆奸笑」

惡行檔案:奸男Style

被喻為完美奸人的鄭子誠,外表陰濕不可測,就算他飾演大好人,觀眾都凝住他有重大陰謀。

娛聞樂陪你走遍全球追星,即Like「娛果」FB 專頁!
BannerBanner