綠葉王:黃文標鬚哥利

更新時間 (HKT): 2013.02.19 05:20
黃文標最不喜歡別人叫他「茄喱啡」,希望大家不要這樣稱呼他。攝影:葉君海

服務無綫23年的黃文標留鬚形象太深入民心,遠至韓國也有人認得佢。曾經試過爆騷爆到暈,亦試過因與舊公司共度時艱,銀行戶口只得100元,苦不堪言,不過標哥很有性格,只望大家對他給點尊重,他說:「唔知我叫乜嘢名唔緊要,你可以叫我角色名,或者點個頭,我已經好開心,但你唔好叫我做『茄喱啡』!」
撰文:黃曉妍

未入行前,黃文標任職空運sales,後來自己開公司,可惜經營不善而要結業,本想回頭再做sales,但很多老闆不信任他,怕他儲到一班客人就辭職,結果要求他由低做起,標哥心想如果由基層做起,何不另覓一個新行業。由於當時標哥在海豹劇團做話劇,劇團導演羅卡跟電影界相熟,於是介紹標哥加入電影行,拍攝首部電影《一屋兩妻》,他說:「呢部戲需要一個舞台劇演員,所以推薦我,之後仲有搵我拍《一妻兩夫》、《不脫襪的人》等電影,不過拍電影只係玩票形式,加上電影開始走下坡,又要埋堆先有得撈。」

戶口唔夠一百蚊

駁長髮拍《學警》

標哥最為人熟悉,相信是《尋秦記》的「滕翼」一角,他說:「我覺得《同居三人組》朱強角色都好突出,有人喺街見到我都叫我做『朱強』,反而內地人叫我做『滕翼』多啲。」講到最喜愛角色,標哥表示是《學警狙擊》「田七」一角,他說:「有場戲講我喺桑拿浴室被周海媚摑,雖然戲份好少,只得11集就被人整死,但我好鍾意呢個角色,因為完全改變晒我形象,駁長髮,對我嚟講幾新鮮。」

娛聞樂陪你走遍全球追星,即Like「娛果」FB 專頁!
BannerBanner