改錯名連累票房

更新時間 (HKT): 2013.03.05 05:20
尊達拉華特主演的《凶線》,黎筱娉坦言因改壞名令票房不濟。

黎筱娉對起用中文片名都有一手,不少電影如《濃情朱古力》等片名都為人津津樂道,不過她笑言亦有失手的時候,她記得81年買入一套由尊達拉華特(John Travolta)主演的驚慄片《Blow Out》,故事講述主角錄音師意外錄到一段聲音,揭發出一宗謀殺案,黎姑娘說:「同事都傾好覺得《凶線》呢個名好好,連海報都印埋,點知拎到落戲院畀個經理鬧『有冇搞錯』,佢話我哋經營戲院院線,你改套戲名話自己凶(空)線都有嘅,即係冇人睇啦!嗰時諗都唔係好信,海報都印埋所以照上,最後套片票房真係唔得。」她笑言娛樂被視為偏門行業,有時真是寧可信其有,但求心安理得。

投票決定

之前洲立電影公司就有一套名叫《I Give It a Year》的中文片名要用投票來決定,Wing說:「有同事提議《一年之癢》、《一年容易又分手》,最後經投票用咗《救婚365日》,貼題之餘又可以食番另一套電影《救參96小時》同埋電視劇《On Call 36小時》。」

娛聞樂陪你走遍全球追星,即Like「娛果」FB 專頁!
BannerBanner